ഖുശ്ബുവിന് ഇഷ്ടം വിവാദങ്ങള്‍ തന്നെ. നടിയും രാഷ്ട്രീയപ്രവര്‍ത്തകയുമായ ഖുശ്ബു അഭിനയരംഗത്ത് അത്ര സജീവമല്ലെങ്കിലും ടെലിവിഷനില്‍ അവതാരികയായി എത്താറുണ്ട്. സിംപ്ലി ഖുശ്ബു എന്ന പരിപാടി തമിഴ് ചാനലില്‍ ആണ് അവതരിപ്പിക്കുന്നത്. ഈ പരിപാടിക്കിടെ നടന്ന സംഭവമാണ് വിവാദമായിരിക്കുന്നത്.
സിംപ്ലി ഖുശ്ബു എന്ന പരിപാടിയില്‍ അതിഥിയായി എത്തിയ മാധവന്‍ ഖുശ്ബുവിന്റെ കവിളില്‍ നല്‍കിയ ചുംബനമാണ് വിവാദങ്ങള്‍ക്ക് തുടക്കം. തമിഴിലും ഹിന്ദിയിലുമായി റിലീസിനൊരുങ്ങുന്ന ഇരുദി സുട്രു എന്ന സിനിമയുടെ പ്രമോഷനുമായി ബന്ധപ്പെട്ട് എത്തിയതായിരുന്നു മാധവന്‍.
മാധവന്‍ ഖുശ്ബുവിനെ ചുംബിക്കുന്ന വിഡിയോ ആണ് ഈ പരിപാടിയുടെ പ്രമോ ആയി അണിയറപ്രവര്‍ത്തകര്‍ പുറത്തിറക്കിയത്. മാത്രമല്ല നടി ഖുശ്ബു ഈ വിഡിയോ സോഷ്യല്‍മീഡിയയിലൂടെ പ്രേക്ഷകര്‍ക്കായി പങ്കുവച്ചു. എല്ലാ യുവതികള്‍ക്കും ഈ വിഡിയോ കാണുമ്പോള്‍ അസൂയ തോന്നുമെന്നായിരുന്നു അടിക്കുറിപ്പ്.
എന്നാല്‍ വിവാഹിതയായ ഒരു സ്ത്രീ ഇങ്ങനെ പൊതുപരിപാടിയില്‍ ചെയ്യാന്‍ പാടില്ലെന്നും ചുംബിക്കുന്ന വിഡിയോ പരസ്യമായി പങ്കുവച്ചതില്‍ ഖുശ്ബു മാപ്പുപറയണമെന്നും ചൂണ്ടിക്കാണിച്ച് നിരവധിപേര്‍ രംഗത്തെത്തി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha