ദുല്‍ഖറിന്റെ നായികയായി ഹന്‍സിക എത്തുന്നു
ദുല്‍ഖര്‍ വീണ്ടുമൊരു തമിഴ് ചിത്രത്തില്‍ കൂടി അഭിനയിക്കാന്‍ തയ്യാറെടുക്കുന്നു. ഹാരിഷ് ശങ്കറും ഹാരിഷ് നാരായണനും ചേര്‍ന്ന് സംവിധാനം ചെയ്യുന്ന പുതിയ ചിത്രത്തില്‍ തമിഴകത്തെ ഗ്ലാമര്‍ താരം ഹന്‍സികയാണ് ദുല്‍ഖറിന്റെ നായികയായെത്തുന്നത്. ഇരുവരും തമ്മിലുള്ള സ്‌ക്രീന്‍ കെമിസ്ട്രി കാണാന്‍ കാത്തിരിക്കുകയാണ് തമിഴകം. അരണ്‍മനൈ എന്ന ചിത്രം നിര്‍മിച്ച വിഷന്‍ ഐ മീഡിയയാണ് ഈ ദുല്‍ഖര്‍ സല്‍മാന്‍ ചിത്രം നിര്‍മിക്കുന്നത്. ബാലാജി മോഹന്‍ സംവിധാനം ചെയ്ത വായ്മൂടി പേസുവോം എന്ന ചിത്രത്തിലൂടെയാണ് ദുല്‍ഖര്‍ സല്‍മാന്‍ തമിഴ് സിനിമാലോകത്ത് അരങ്ങേറ്റം കുറിക്കുന്നത്.
മണിരത്‌നത്തിന്റെ ഓകെ കണ്‍മണിയായിരുന്നു ദുല്‍ഖറിന്റെ രണ്ടാമത്തെ ചിത്രം. 2015 ല്‍ റിലീസായ ചിത്രത്തി ലൂടെ ബോളിവുഡില്‍ നിന്നുവരെ ദുല്‍ഖറിനെ തേടി പ്രശംസകള്‍ വന്നു. അതോടെ തമിഴില്‍ കാലുറപ്പിച്ച ദുല്‍ഖറിനെ തേടി പുതിയ അവസരങ്ങള്‍ വരികയാണ്. എന്നാല്‍ ഈ വര്‍ഷം ഈയൊരു തമിഴ് ചിത്രം മാത്രമേ ദുല്‍ഖര്‍ ചെയ്യൂ എന്നാണ് വിവരം. നിരവധി മലയാള ചിത്രങ്ങളിലേക്കു കരാറായ ദുല്‍ഖറിനു മറ്റൊരു തമിഴ് ചിത്രത്തില്‍ കൂടി അഭിനയിക്കാന്‍ ഡേറ്റില്ല എന്നാണ് വിവരം.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
