തമിഴകത്തെ ബിഗ്ബഡ്ജറ്റ് ചിത്രങ്ങളുടെ നിര്‍മാതാവ് എന്നാണ് ആസ്‌കര്‍ രവിചന്ദ്രനെ വിശേഷിപ്പിക്കുന്നത്. അന്യന്‍, വേലായുധം, ദശാവതാരം, ഐ, ഭൂലോകം എന്നീ ചിത്രങ്ങള്‍ നിര്‍മിച്ചെങ്കിലും അദ്ദേഹം ഇപ്പോഴും കടക്കെണിയിലാണ്. വിക്രംശങ്കര്‍ കൂട്ടുകെട്ടില്‍ ഇറങ്ങിയ ഐ വിജയമായിരുന്നെങ്കിലും നിര്‍മാതാവ് എന്ന നിലയില്‍ രവിചന്ദ്രന് നഷ്ടമാണ് ഉണ്ടായത്.

ഐ നിര്‍മിക്കാനായി രവിചന്ദ്രന്‍ എടുത്ത ലോണ്‍ തിരിച്ചടയ്ക്കാതെ വന്നതോടെ അദ്ദേഹത്തിന്റെ വീടും ഓഫീസും ബാങ്ക് ജപ്തി ചെയ്തിരുന്നു. ഇപ്പോള്‍ രവിചന്ദ്രന്റെ പേരിലുള്ള 35 കോടിയുടെ സ്വത്തുക്കള്‍ വില്‍ക്കാനുണ്ടെന്ന് പാങ്ക് പത്ര പരസ്യം നല്‍കിയിരിക്കുകയാണ്. വാര്‍ത്ത കണ്ട് തെന്നിന്ത്യന്‍ സിനിമാലോകം തന്നെ ഞെട്ടിയിരിക്കുകയാണ്.

ചിത്രത്തിന്റെ നിര്‍മാണത്തിനായി ചെന്നൈയിലെ ശ്രീറാം നഗറിലെ ഇന്ത്യന്‍ ഓവര്‍സീസ് ബാങ്കില്‍ നിന്നും 95.75 കോടി രൂപയാണ് രവിചന്ദ്രന്‍ ലോണ്‍ എടുത്തിരുന്നത്. തുടര്‍ന്ന് ലോണ്‍ തിരിച്ചടയ്ക്കാത്തതിനെ തുടര്‍ന്ന് ബാങ്ക് ജപ്തി നടപടിയിലേക്ക് നീങ്ങുകയായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha