നടി സാമന്തയെ ട്രോളര്‍മാര്‍ പരിഹസിച്ച് കൊന്നു.തന്റെ വസ്ത്രധാരണ രീതിയെ ട്രോളിയതാണ് നടിയ്ക്ക് ദേഷ്യം വന്നത്. ബിക്കിനിയില്‍ നില്‍ക്കുന്ന ഫോട്ടോ സാമന്ത ഇന്‍സ്റ്റഗ്രാമില്‍ പോസ്റ്റ് ചെയ്തിരുന്നു. ഈ ഫോട്ടോയാണ് ചില ട്രോളന്മാര്‍ ഉപയോഗിച്ചിരിക്കുന്നത്.

കടലില്‍ കുളിക്കാന്‍ പോകുമ്പോള്‍ സാരി ഉടുത്തോണ്ട് പോകാന്‍ പറ്റുമോയെന്നാണ് നടി ചോദിക്കുന്നത്. സാമന്തയുടെ ബിക്കിനിയിട്ട ഫോട്ടായാണ് ട്രോളിന് ഇരയായത്. തന്റെ പുതിയ ചിത്രത്തിന്റെ പ്രചാരണാര്‍ഥം പത്രക്കാരോട് സംസാരിക്കവേയാണ് സാമന്ത ട്രോളന്മാര്‍ക്കെതിരെ പൊട്ടിത്തെറിച്ചത്.

താന്‍ കല്യാണം കഴിച്ചത് കൊണ്ടാണ് അവര്‍ ഇങ്ങനെ ട്രോളുന്നതെന്നും എന്നാല്‍ തനിക്ക് ഒരു കാര്യവും ആരെയും ബോധിപ്പിക്കേണ്ടതില്ലെന്നും സാമന്ത പറഞ്ഞു.സ്ത്രീകള്‍ അവര്‍ക്ക് കംഫര്‍ട്ടായുള്ള വസ്ത്രങ്ങളാണ് ധരിക്കാന്‍ ഇഷ്ടപ്പെടുന്നത്. വസ്ത്രധാരണ അവരവരുടെ ഇഷ്ടമല്ലേ.അതിന് എന്തിന് പരിഹസിക്കണമെന്നും സാമന്ത ചോദിക്കുന്നു.