പത്മനാഭസ്വാമി ക്ഷേത്രത്തെ അനുസ്മരിപ്പിക്കുന്ന കഥയുമായി മോഹന്‍ലാലിന്റെ മിസ്റ്റര്‍ ഫ്രോഡ് എത്തുന്നു. പ്രശസ്തമായ ഒരു കോവിലകത്തെ ചുറ്റിപ്പറ്റിയാണ് മിസ്റ്റര്‍ഫ്രോഡിന്റെ കഥ നടക്കുന്നത്. അവിടുത്തെ പരമ്പരാഗത നിധിയുടെ പൊരുള്‍ തേടിയെത്തുന്ന കഥാപാത്രമാണ് ലാലിന്റേത്. കഥാപാത്രത്തിന് അവസാനം വരെ പേരില്ല. മിസ്റ്റര്‍ ഫ്രോഡ് എന്നാണ് അതുവരെ അറിയപ്പെടുന്നത്. രണ്ട് മൂന്ന് ഗെറ്റപ്പുകളില്‍ മോഹന്‍ലാല്‍ പ്രത്യക്ഷപ്പെടുന്നുണ്ട്. ആദ്യ പകുതിയും രണ്ടാം പകുതിയും വ്യത്യസ്തമായ രീതിയിലാണ് ഒരുക്കിയിരിക്കുന്നതെന്ന് സെന്‍സറിംഗ് ചെയ്തവരില്‍ ഒരാല്‍ മലയാളി വാര്‍ത്തയോട് പറഞ്ഞു.

മിസ്റ്റര്‍ ഫ്രോഡിന്റെ റിലീസിങ് തര്‍ക്കം ഇതുവരെ ഒത്തുതീര്‍പ്പായിട്ടില്ല. കഴിഞ്ഞ ദിവസം സെന്‍സര്‍ ബോര്‍ഡിന്റെ യു സര്‍ട്ടിഫിക്കറ്റും ലഭിച്ചു. സംവിധായകന്‍ ബി ഉണ്ണികൃഷ്ണന്‍ ഇക്കാര്യം ഫേസ്ബുക്ക് വഴി അറിയിച്ചു. തിയേറ്ററുടമകളും ബി ഉണ്ണികൃഷ്ണനും തമ്മിലുള്ള തര്‍ക്കങ്ങള്‍ കാരണം മിസ്റ്റര്‍ ഫ്രോഡിന്റെ റിലീസ് തടഞ്ഞുവച്ചിരിക്കുകയാണ്. മെയ് എട്ടിനായിരുന്നു ചിത്രത്തിന്റെ റിലീസ് നിശ്ചയിച്ചിരുന്നത്. എന്നാല്‍ ഫിലിം എക്‌സിബിറ്റേഴ്‌സ് അസോസിയേഷന്റെ കൊച്ചിയിലെ ആസ്ഥാന മന്ദിരം ഉദ്ഘാടനം ചെയ്ത ചടങ്ങില്‍ നിന്ന് അമ്മ, ഫെഫ്ക സംഘടനകള്‍ മാറി നിന്നിരുന്നു. 

മെഡിമിക്‌സ് അനുപ് നിര്‍മിച്ച ചിത്രം ആശിര്‍വാദാണ് തിയറ്ററുകളിലെത്തിക്കുന്നത്. സിദ്ധിഖ്, ദേവന്‍, മിയ തുടങ്ങിയ വലിയ താരനിര ചിത്രത്തിലുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha