മമ്മൂട്ടിയും മോഹന്‍ലാലും അഭിനയിച്ച സൂപ്പര്‍ഹിറ്റ് ചിത്രമായ മനു അങ്കിളില്‍ ഉപയോഗിച്ച മാര്‍ത്താണ്ഡവര്‍മയുടെ വാളുമായി ദുല്‍ഖര്‍ സല്‍മാന്‍ . സൂപ്പര്‍ഹിറ്റായി ഓടിക്കൊണ്ടിരിക്കുന്ന ബാംഗ്ലൂര്‍ ഡെയ്‌സ് എന്ന ചിത്രത്തിലാണ് വാളുമായി ദുല്‍ഖര്‍ പ്രത്യക്ഷപ്പെടുന്നത്. മനുഅങ്കിളിന്റെ ഷൂട്ടിംഗ് സമയത്ത് വാളും പിടിച്ച് ദുല്‍ഖര്‍ നില്‍ക്കുന്ന ഫോട്ടോ മമ്മൂട്ടി എടുത്തിരുന്നു. ആ ചിത്രമാണ് ബാംഗ്ലൂര്‍ ഡെയ്‌സില്‍ ഉപയോഗിച്ചിരിക്കുന്നത്. ഇക്കാര്യം ദുല്‍ഖര്‍ തന്നെയാണ് വെളിപ്പെടുത്തിയത്. 1988ല്‍ പുറത്തിറങ്ങിയ മനു അങ്കിള്‍ മികച്ച കുട്ടികളുടെ ചിത്രത്തിനുള്ള ദേശീയ അവാര്‍ഡും സംസ്ഥാന പുരസ്‌ക്കാരവും നേടിയിരുന്നു. സുരേഷ് ഗോപി ഗസ്റ്റ് റോളില്‍ പ്രത്യക്ഷപ്പെടുന്നു.

പ്രശസ്തമായ മ്യൂസിയത്തില്‍ നിന്ന് മാര്‍ത്താണ്ഡവര്‍മയുടെ വാളും കിരീടവും മോഷ്ടിക്കാനെത്തുന്ന സംഘത്തെ കുറച്ച് കുട്ടികള്‍ കാണുന്നതും അതിനെ തുടര്‍ന്നുണ്ടാകുന്ന സംഭവങ്ങളുമാണ് മനുഅങ്കിളിന്റെ കഥ. അന്ന്‌  ദുല്‍ഖറിന് അഞ്ച് വയസ് പ്രയം വരും. തിരുവനന്തപുരത്തായിരുന്നു ഷൂട്ടിംഗ്. ഗാനരചയിതാവായ ഷിബുചക്രവര്‍ത്തിയാണ് തിരക്കഥ ഒരുക്കിയത്. സംവിധായകനായ ഡെന്നിസ് ജോസഫിന്റേതായിരുന്നു കഥ. നൂറ് ദിവസത്തിലധികം പല കേന്ദ്രങ്ങളിലും പ്രദര്‍ശിപ്പിച്ച ചിത്രമാണ് മനു അങ്കിള്‍. ബാംഗ്ലൂര്‍ ഡെയ്‌സില്‍ ഉപയോഗിക്കാന്‍ ദുല്‍ഖറിന്റെ കുറച്ച് ബാല്യകാല ഫോട്ടോസ് വേണമെന്ന് അഞ്ജലിമേനോന്‍ ആവശ്യപ്പെട്ടപ്പോള്‍ ദുല്‍ഖര്‍ തന്നെയാണ് ഈ ചിത്രം തെരഞ്ഞെടുത്ത് കൊടുത്തത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha