പി.സി വിഷ്ണുനാഥിന് അടുത്ത തവണ നിയമസഭ സീറ്റ് നല്‍കില്ലെന്ന് റിപ്പോര്‍ട്ട്. ഇതിന്റെ ഭാഗമായാണ് അദ്ദേഹത്തെ കെ.പി.സി.സി ജനറല്‍ സെക്രട്ടറി ആക്കിയതെന്നും അറിയുന്നു. യൂത്ത് കോണ്‍ഗ്രസിന്റെ ദേശീയ നേതൃത്വത്തില്‍ പ്രധാന സ്ഥാനവും നല്‍കും. ചെങ്ങന്നൂര്‍ എം.എല്‍.എയായ വിഷ്ണുവിനെ അടുത്ത തവണ മല്‍സരിപ്പിക്കരുതെന്ന് ശക്തമായ സമ്മര്‍ദ്ദം പ്രാദേശിക തലത്തില്‍ നിന്നുയര്‍ന്നിട്ടുണ്ട്.

ഉമ്മന്‍ചാണ്ടി ഗ്രൂപ്പിന്റെ യുവ നേതാക്കളില്‍ പ്രമുഖനാണ് വിഷ്ണുനാഥ്. ഐ ഗ്രൂപ്പിന്റെ സീറ്റായിരുന്നു ചെങ്ങന്നൂര്‍. ശോഭനാ ജോര്‍ജിനെ പോലുള്ളവര്‍ അവിടെ എം.എല്‍.എ ആയിരുന്നു. പിന്നീട് എ ഗ്രൂപ്പ് ആ സീറ്റ് തട്ടിയെടുക്കുകയായിരുന്നു. രമേശ് ചെന്നിത്തലയുടെയും കെ.മുരളീധരന്റെയും നേതൃത്വത്തില്‍ ഐ ഗ്രൂപ്പ് ശക്തമായതോടെയാണ് പ്രാദേശികമായി വിഷ്ണുവിനെതിരെ ഗ്രൂപ്പ് പോര് തുടങ്ങിയത്. 

മധ്യതിരുവിതാംകൂറില്‍ എന്‍.എസ്.എസിന് നിര്‍ണായക സ്വാധീനമുള്ള മണ്ഡലമാണ് ചെങ്ങന്നൂര്‍. അടുത്തിടെ എന്‍.എസ്.എസ് ജനറല്‍ സെക്രട്ടറി സുകുമാരന്‍ നായര്‍ക്കെതിരെ വിഷ്ണുനാഥ് പരാമര്‍ശം നടത്തിയതും തിരിച്ചടിയായി. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha