താരസംഘടനയായ അമ്മ അംഗത്വഫീസ് ഒരുലക്ഷത്തി ആയിരമാക്കി ഉയര്‍ത്തിയതിനെതിരെ പുതിയ താരങ്ങള്‍ രംഗത്ത്. ചെറിയ വേഷം ചെയ്യുന്നവരും പുതിയ അഭിനേതാക്കള്‍ക്കും ഇത്രയും ഭാരിച്ച തുക മുടക്കി അംഗത്വം എടുക്കാനാവില്ല. പുതിയ ആര്‍ട്ടിസ്റ്റുകള്‍ക്ക് അന്‍പതിനായിരത്തില്‍ താഴെയാണ് പ്രതിഫലം ലഭിക്കുക. അപ്പോള്‍ ഒരു ലക്ഷം മുടക്കി മെമ്പര്‍ഷിപ്പെടുക്കാനാവില്ല. അംഗത്വം എടുക്കാത്തവരുമായി സഹകരിക്കണ്ടെന്നും അമ്മ ജനറല്‍ ബോഡി നിലപാടെടുത്തതാണ് ഏറ്റവും വലിയ തിരിച്ചടിയായത്.

ഇടവേള ബാബുവും ഗണേഷ് കുമാറുമാണ് പുതിയ തീരുമാനത്തിന് പിന്നില്‍ കളിച്ചതെന്നറിയുന്നു. മെമ്പര്‍ഷിപ്പ് കൂടാതിരിക്കാനുള്ള തന്ത്രമാണിതെന്നും അറിയുന്നു. അതേസമയം പഴയ കാല അഭിനേതാക്കള്‍ക്ക് ക്ഷേമ പെന്‍ഷനും മറ്റും നല്‍കുന്നതിനാണ് ഫീസ് കൂട്ടിയതെന്ന് ഭാരവാഹികള്‍ പറയുന്നു. സംഘടനാ ഭാരവാഹികളെ ഭയന്ന് പലരും പുതിയ തീരുമാനത്തിനെതിരെ പരസ്യമായി രംഗത്തെത്തിയിട്ടില്ല. ചെറിയ ചെറിയ വേഷങ്ങള്‍ ചെയ്യുന്നവര്‍ മെമ്പര്‍ഷിപ്പ് എടുത്തിട്ടുണ്ട്. എന്നാല്‍ അടുത്ത കാലത്ത് അഭിനയിച്ച് തുടങ്ങിയ ചെറിയ വേഷങ്ങള്‍ ചെയ്യുന്നവര്‍ക്ക് ഫീസ് വലിയ തുകയാണ്. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha