കെഎസ്ആര്ടിസിയിലും പെന്ഷന് പ്രായം 58 ആക്കും, പടി പടിയായി ഉയര്ത്തും
സര്ക്കാര് ജീവനക്കാരുടെ പെന്ഷന്പ്രായം 58 ആക്കുന്നതിന് മുന്നോടിയായി പ്രമുഖ പൊതുമേഖലാ സ്ഥാപനമായ കേരള വൈദ്യൂതി ബോര്ഡിലെ ജീവനക്കാരുടെ പെന്ഷന് പ്രായം 58 ആക്കി. സര്ക്കാര് വകുപ്പുകള് അല്ലാത്ത പൊതുമേഖലാ സ്ഥാപനങ്ങളുടെ പെന്ഷന് പ്രായം 58 ആക്കാനാണ് സര്ക്കാര് നീക്കം. ശമ്പളപരിഷ്ക്കരണ കമ്മീഷന് റിപ്പോര്ട്ട് സമര്പ്പിക്കുമ്പോള് സര്ക്കാര് വകുപ്പുകളിലും പെന്ഷന് പ്രായം 58 ആക്കാനാണ് നീക്കം. അങ്ങനെ വന്നാല് പെന്ഷന്പ്രായം കൂട്ടിയത് തങ്ങളല്ലെന്ന് സര്ക്കാരിന് പറയാനാകും. അര്ധ ജുഡീഷ്യല് സ്ഥാപനമായ ശമ്പള പരിഷ്കരണകമ്മീഷന് ആവിശ്യപ്പെട്ടിട്ടാണ് പെന്ഷന് പ്രായം വര്ധിപ്പിച്ചതെന്ന് പറയുമ്പോള് സര്ക്കാരിനെതിരെ സമരക്കാര് തിരിയുകയുമില്ല. ജസ്റ്റിസ് സി.എന് . രാമചന്ദ്രന് നായരാണ് ശമ്പളപരിഷ്ക്കരണ കമ്മീഷന് ചെയര്മാന്.
അതേസമയം പെന്ഷന്പ്രായം 58 ആക്കാതെ മുന്നോട്ട് പോകാനാവില്ലെന്ന് ധനവകുപ്പ് സംസ്ഥാന മന്ത്രിസഭയെ അറിയിച്ചിട്ടുണ്ട്. പരാതിക്ക് ഇടയാക്കാതെ വിധത്തില് പെന്ഷന്പ്രായം വര്ധിപ്പിക്കാന് ഉമ്മന്ചാണ്ടി നിര്ദ്ദേശം നല്കിയിട്ടുണ്ടെന്നാണ് അറിവ്. വൈദ്യൂതി ബോര്ഡിലെ തീരുമാനം ലക്ഷക്കണക്കിന് രൂപയുടെ ലാഭം സര്ക്കാരിനുണ്ടാക്കും. പെന്ഷന്പ്രായം വര്ധിപ്പിക്കാന് സര്ക്കാര് തത്വത്തില് തീരുമാനിച്ചു കഴിഞ്ഞു.
കെഎസ്ആര്ഡിസിയിലാണ് അടുത്തതായി പെന്ഷന് പ്രായം വര്ധിപ്പിക്കുന്നത്. അടിയന്തിരമായി പൂട്ടണമെന്ന് ഹൈക്കോടതി നിര്ദ്ദേശം നല്കിയ സ്ഥാപനമാണ് കെഎസ്ആര്ടിസി. ഇതിനെതിരെ സര്ക്കാര് റിവ്യൂ പോകാനിടയുണ്ടെങ്കിലും അത് ഹൈക്കോടതി അനുവദിക്കാനിടയില്ല. കെഎസ്ആര്ടിസിയില് പെന്ഷന്പ്രായം വര്ധിപ്പിക്കുകയാണെങ്കില് കോടിക്കണക്കിന് രൂപയുടെ ലാഭം വരുമെന്നാണ് തിരുവഞ്ചൂര് രാധാകൃഷ്ണന് കരുതുന്നത്. ഇപ്പോള് തന്നെ പെന്ഷനായവര്ക്ക് പെന്ഷന് നല്കാന് സ്ഥാപനത്തിന് കഴിയുന്നില്ല.
കെ എസ് ഇ ബി പൊതുമേഖലാ സ്ഥാപനമായതിനാലാണ് പെന്ഷന്പ്രായം വര്ധിപ്പിക്കുന്നതെന്നാണ് വിശദീകരണം. കമ്പനീവത്കരണത്തിന്റെ ഭാഗമാണ് ഇതെന്നും സര്ക്കാര് വിശദീകരിക്കുന്നു. സംസ്ഥാനത്തെ ഏറ്റവും വലിയ പൊതുമേഖല കമ്പനിയാണ് കെ എസ് ഇ ബി. കെ എസ് ആര് ടി സി കൂടി ഇത്തരത്തിലാകുമെങ്കില് വന് ലാഭമാണ് സര്ക്കാര് പ്രതീക്ഷിക്കുന്നത്.
സര്ക്കാര് വകുപ്പുകളില് കൂടി പെന്ഷന് പ്രായം വര്ധിപ്പിക്കാമെങ്കില് കോടിക്കണക്കിന് രൂപ സര്ക്കാരിന് ലാഭിക്കാനാവും. ഉമ്മന്ചാണ്ടി സര്ക്കാരിന് അവശേഷിക്കുന്നത് 18മാസമാണ്. അതായത് പെന്ഷന് പ്രായം കൂട്ടിയാല് ഉമ്മന് ചാണ്ടി രക്ഷപ്പെടും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
