കാവ്യ തേങ്ങുന്നു ; കല്യാണം കഴിപ്പിക്കരുതേ...
കാവ്യാമാധവന് വളരെ ഗൗരവമായ ഒരു പരാതിയുണ്ട്‌. മലയാളികള്‍ കാവ്യയെ കല്യാണം കഴിപ്പിക്കാന്‍ ധൃതി വയ്‌ക്കുന്നു. തനിക്കാണെങ്കില്‍ കല്യാണം കഴിക്കാന്‍ ഒരു താല്‌പര്യവുമില്ല. സിനിമയില്‍ സജീവമാകാനാണ്‌ ആഗ്രഹം. എന്നിട്ടും നിങ്ങളെന്തിന്‌ എന്നെ കല്യാണം കഴിപ്പിക്കുന്നു എന്നാണ്‌ കാവ്യയുടെ ചോദ്യം. കല്യാണം കഴിപ്പിക്കാന്‍ നടക്കുന്നവര്‍ക്കെതിരെ നിയമ നടപടിക്ക്‌ ഒരുങ്ങുകയാണെന്നും കാവ്യ പറഞ്ഞു. കേരള പോലീസിന്റെ ആധുനിക സാങ്കേതിക വിദ്യാ സംവിധാനങ്ങളുടെ ഉദ്‌ഘാടനം നിര്‍വഹിച്ച്‌ സംസാരിക്കുകയായിരുന്നു കാവ്യാമാധവന്.
സോഷ്യല്‍ മീഡിയയാണ്‌ കാവ്യയ്‌ക്കെതിരെ രംഗത്തെത്തിയിരിക്കുന്നത്‌. ഊഹാപോഹങ്ങള്‍ പ്രചരിപ്പിക്കുന്നതില്‍ കാര്യങ്ങള്‍ അവസാനിപ്പിച്ചാല്‍ സാരമില്ലായിരുന്നു. എന്നാല്‍ വിവാഹം കഴിക്കാന്‍ പോകുന്നയാളിന്റെ ചിത്രവും ചേര്‍ത്താണ്‌ പ്രചരണമെന്ന്‌ കാവ്യാമാധവന് പറഞ്ഞു. സോഷ്യല്‍ മീഡിയക്ക്‌ ഒരു എഡിറ്റര്‍ ആവശ്യമാണെന്നാണ്‌ കാവ്യാമാധവന് പറയുന്നുത്‌. സോഷ്യല്‍ മീഡിയക്ക്‌ എങ്ങനെയാണ്‌ എഡിറ്ററെ നിയമിക്കുന്നതെന്നോര്‍ത്ത്‌ കേരള പോലീസ് കുറച്ചു കാലം മിനക്കെടും.
കാവ്യാമാധവനെയും ഒരു സിനിമാ നടനെയും ചേര്‍ത്ത്‌ ധാരാളം വാര്‍ത്തകള്‍ കുറെക്കാലം പ്രചരിച്ചിരുന്നു. സിനിമാ നടന്റെ ജീവിതത്തിലുണ്ടായ താളക്കേടുകള്‍ക്ക്‌ കാരണം കാവ്യയാണെന്നും പരാതിയുര്‍ന്നു. എന്നാല്‍ അതിലൊന്നും വാസ്‌തവമില്ലെന്ന്‌ മനസിലായി. കാവ്യാമാധവന് മാത്രമല്ല സോഷ്യല്‍ മീഡിയയുടെ ഇരയായി തീര്‍ന്നിരിക്കുന്നത്‌. പത്രത്തിലെഴുതിയാല്‍ അത് മാനനഷ്‌ടത്തിന്‌ കാരണമാകുമെന്ന്‌ മനസിലാക്കിയ വിരുതന്മാരാണ്‌ പത്രം വിട്ട്‌ സോഷ്യല്‍ മീഡിയയെ കൂട്ടു പിടിച്ചിരിക്കുന്നത്‌.![\"\"](\"/userfiles/7(1).jpg\")
പോലീസിന്‌ ഇക്കാര്യത്തില്‍ ഒന്നും ചെയ്യാനാവുന്നില്ലെന്നാണ്‌ കാവ്യയുടെ പരാതി. പോലീസിന്‌ ആധുനിക സാങ്കേതിക വിദ്യയില്‍ വിവരം കുറവാണത്രേ. അടിപിടിയും മോഷണവും അന്വേഷിക്കുന്ന കാക്കിരാജന്‍മാരെ ഫേസ്‌ബുക്ക്‌, ട്വിറ്റര്‍ ഉപഭോക്താക്കള്‍ കൃത്യമായി പറ്റിക്കുന്നു. എന്തിന്‌, ആധുനിക സാങ്കേതികവിദ്യയുടെ സഹായത്തോടെ നടക്കുന്ന തിരിമറികള്‍ നേരിടാന്‍ കാര്യങ്ങളറിയുന്ന ഒരു മേലധികാരി പോലും പോലീസിന്റെ തലപ്പത്തില്ല.
താന്‍ കല്യാണം കഴിക്കുകയാണെങ്കില്‍ അത് എല്ലാപേരെയും അറിയിച്ചായിരിക്കുമെന്ന്‌ കാവ്യാമാധവന് പലവട്ടം പറഞ്ഞതാണ്‌. എന്നാല്‍ അക്കാര്യം ആരും വിശ്വസിക്കുന്നില്ലെന്ന്‌ കാവ്യ തന്റെ പരാതിയില്‍ പറയുന്നു. ഒരിക്കല്‍ കൊച്ചിയില്‍ നിന്നും പ്രസിദ്ധീകരിക്കുന്ന ഒരു ന്യൂസ്‌ പോരട്ടലില്‍ തന്റെ കല്യാണവാര്‍ത്ത വന്നു. കാവ്യ പോലീസിന്‌ പരാതി നല്‍കി. പോലീസ് കാര്യങ്ങള്‍ വിശദമായി പഠിച്ച്‌ ഒരാളെ അറസ്റ്റ്‌ ചെയ്‌തു. അയാള്‍ക്കാണെങ്കില്‍ ന്യൂസ്‌ പോര്‍ട്ടലുകളുമായുള്ളത്‌ സാങ്കേതിക ബന്ധം മാത്രം. അയാള്‍ കോടതിയെ സമീപിച്ചു. മനുഷ്യാവകാശ കമ്മീഷനെയും സമീപിച്ചു. പോലീസ് ഇറുകും എന്ന അവസ്ഥയിലായി പിന്നീട്‌ കാര്യങ്ങള്‍.
കാവ്യാമാധവന്റെ നിര്‍ദ്ദേശങ്ങള്‍ നല്ലതാണെങ്കിലും പ്രായോഗികമല്ലെന്നാണ്‌ പോലീസ് ഉന്നതരുടെ അടക്കം പറച്ചില്‍. സരിതയെയും ബിന്ദ്യയെയും നല്ലവണ്ണം ചോദ്യം ചെയ്യാനാവാത്ത നാട്ടില്‍ കാവ്യാമാധവന്റെ വിവഹ വാര്‍ത്തകള്‍ക്ക്‌ എന്തു പ്രസക്തി എന്നാണ്‌ പോലീസുകാര്‍ ചോദിക്കുന്നത്‌. കാര്യങ്ങള്‍ കുഴപ്പത്തിലാക്കാതെ അവരവര്‍ തന്നെ നോക്കണമെന്നാണ്‌ പോലീസിന്‌ ഉപദേശിക്കാനുള്ളത്‌.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
