ഇനി മോഹന്‍ലാലിന്റെ സിനിമകളുടെ സാറ്റലൈറ്റ് അവകാശം അമൃത ടി.വിക്ക്. സാധാരണ ഏഷ്യാനെറ്റായിരുന്നു സാറ്റലൈറ്റ് അവകാശം വാങ്ങിയിരുന്നത്. എന്നാല്‍ ഏഷ്യാനെറ്റ് മാനേജ്‌മെന്റിലെ ചിലരും മോഹന്‍ലാലും തമ്മിലുണ്ടായ അസ്വാരസ്യങ്ങളെ തുടര്‍ന്നാണ് അവരുമായുള്ള ബന്ധം ഉപേക്ഷിച്ചത്. ഇത് അറിഞ്ഞ അമൃതാനന്ദമയി നേരിട്ട് മോഹന്‍ലാലിനോട് ചിത്രങ്ങളുടെ സംപ്രേക്ഷണ അവകാശം ചോദിച്ചു വാങ്ങുകയായിരുന്നു. കഴിഞ്ഞ 10 ദിവസമായി കൊച്ചിയിലെ അമൃത ഇന്‍സ്റ്റിറ്റിയൂട്ടില്‍ ചികില്‍സയിലായിരുന്നു മോഹന്‍ലാല്‍. അപ്പോഴാണ് ഇത് സംബന്ധിച്ച് ധാരണയായത്. 

ഏഷ്യാനെറ്റ് അധികൃതരുമായി മോഹന്‍ലാല്‍ അകലാനുള്ള കാരണം വ്യക്തമല്ല. മുമ്പ് ആന്റണി പെരുമ്പാവൂരിനെ മോഹന്‍ലാലിന്റെ ഡ്രൈവര്‍ എന്ന് സംബോധന ചെയ്ത് ഏഷ്യാനെറ്റില്‍ വാര്‍ത്ത വന്നത് മോഹന്‍ലാലിനെ ചൊടിപ്പിച്ചിരുന്നു. ഏഷ്യാനെറ്റ് എം.ഡിയെ വിളിച്ച് മോഹന്‍ലാല്‍ ഇക്കാര്യത്തിലുള്ള പ്രതിഷേധം അറിയിച്ചിരുന്നു. ഫെഡറല്‍ ബാങ്കിലെ ജീവനക്കാരനായിരുന്ന എം.ഡിയെ മുന്‍ ഫെഡറല്‍ ബാങ്ക് ഉദ്യോഗസ്ഥന്‍ എന്ന് സംബോധന ചെയ്താല്‍ ഇഷ്ടപ്പെടുമോ എന്ന് അന്ന് ചോദിച്ചിരുന്നു. അതിനു ശേഷമാണ് നിര്‍മാതാവ് ആന്റണി പെരുമ്പാവൂര്‍ എന്ന് പറയാന്‍ തുടങ്ങിയത്. 

അതേസമയം മമ്മൂട്ടിയുടെ സിനിമകളിലധികവും സൂര്യാ ടി.വിയാണ് വാങ്ങിക്കുന്നത്. ചില സിനിമകള്‍ കൈരളിയും വാങ്ങുന്നുണ്ട്. ഏഷ്യാനെറ്റ് മമ്മൂട്ടി ചിത്രങ്ങള്‍ വളരെ കുറച്ചേ വാങ്ങാറുള്ളൂ. എന്നാല്‍ മോഹന്‍ലാല്‍ ചിത്രങ്ങള്‍ കിട്ടാതാകുന്നതോടെ മമ്മൂട്ടിക്കായി ഇവര്‍ വലവീശാന്‍ സാധ്യതയുണ്ട്. മമ്മൂട്ടിയുടെ കടല്‍കടന്നൊരു മാത്തുക്കുട്ടിയുടെ അവകാശം വാങ്ങി ലക്ഷങ്ങളുടെ നഷ്ടമാണ് ഏഷ്യാനെറ്റിന് ഉണ്ടായത്

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha