മഞ്ജു വാര്യര്‍ ഇനി ഹാപ്പി. ആര്‍ട്ട് ഓഫ് ലിവിംഗ് വഴി ജീവിതം പഠിക്കാന്‍ തീരുമാനിച്ചിരിക്കുകയാണ്. ജീവിതം ഒരു കലയാണ് എന്ന പാഠം മഞ്ജുവിനെ പഠിപ്പിച്ചത് അമ്മ ഗിരിജയാണ്. മഞ്ജുവിന്റെ കുടുംബം ശ്രീ ശ്രീ രവിശങ്കറിന്റെ ആരാധകരും ആര്‍ട്ട് ഓഫ് ലിവിംഗ് പ്രാക്ടീഷണേഴ്‌സുമാണ്. ഏതാനും മാസങ്ങള്‍ക്ക് മുമ്പ് മഞ്ജു ബാംഗ്ലൂരില്‍ ശ്രീ ശ്രീ രവിശങ്കറിനെ കാണാനെത്തിയിരുന്നു. ദിലീപുമായുള്ള വിവാഹ ബന്ധം തകര്‍ന്നതിനു ശേഷം പൊതുവേ ദു:ഖിതയായിരുന്ന മഞ്ജു വാര്യരെ ബാംഗ്ലൂരില്‍ ഗുരുജിയുടെ ആശ്രമത്തിലേക്കയച്ചത് അവരുടെ കുടുംബം തന്നെയാണ്.

മഞ്ജു വാര്യരുടെ സിനിമകള്‍ ഗുരുജി കണ്ടിട്ടില്ലെങ്കിലും തന്റെ സെക്രട്ടറി ഗിരിന്‍ ഗോവിന്ദ് വഴി മഞ്ജുവിന്റെ കാര്യങ്ങള്‍ ഗുരുജിക്ക് അറിയാമായിരുന്നു. കണ്ണൂര്‍ ചിന്മയ സ്‌കൂളില്‍ മഞ്ജുവിന്റെ സഹപാഠിയായിരുന്നു ഗിരിന്‍ ഗോവിന്ദ്. ആനന്ദത്തിന്റെ സന്നിധിയിലാണ് താന്‍ എത്തിയതെന്ന് മഞ്ജു തന്റെ ബാംഗ്ലൂര്‍ സന്ദര്‍ശനത്തെ കുറിച്ച് പറഞ്ഞിരുന്നു. ജീവിതം അനശ്വരമല്ലെന്നും തീര്‍ത്തും നശ്വരമാണെന്നും അതിനാല്‍ ജീവിതത്തിന്റെ ഉയര്‍ച്ച താഴ്ചകളെയോര്‍ത്ത് വ്യാകുലപ്പെടരുതെന്നും ഗുരുജി പറഞ്ഞു. “ആരോഗ്യമുള്ള മനസില്‍ സന്തോഷമുണ്ടാകും. എന്നാല്‍ പിരിമുറുക്കമാണ് ജീവിതം മുഴുവന്‍. ഇത് ഒഴിവാക്കാന്‍ ശ്രമിക്കണം.”
ആരോഗ്യമുള്ള ശരീരം സമ്പാദിക്കാന്‍ ഓടിനടക്കുന്നവര്‍ ആരോഗ്യമുള്ള മനസ് സമ്പാദിക്കാന്‍ ശ്രമിക്കുന്നില്ലെന്ന ഗുരുജിയുടെ വാക്കുകള്‍ മഞ്ജുവാര്യരെ ഇരുത്തി ചിന്തിപ്പിച്ചു. ആരോഗ്യമുള്ള ശരീരത്തിനു വേണ്ടി നാം വ്യായാമങ്ങള്‍ ചെയ്യുന്നു. എന്നാല്‍ ആരോഗ്യമുള്ള മനസിനു വേണ്ടി പ്രാര്‍ത്ഥിക്കുന്നു പോലുമില്ല. എന്നിട്ട് ബിപിയെയും കൊളസ്‌ട്രോളിനേയും കുറ്റം പറയുന്നു. മനസിന്റെ സന്തോഷത്തിനു വേണ്ടി ശ്രമിക്കാത്തതെന്തേ എന്നാണ് ഗുരുജി മഞ്ജുവിനോട് ചോദിച്ചത്.
യഥാര്‍ത്ഥത്തില്‍ താനും അങ്ങനെയല്ലേ എന്നാണ് മഞ്ജു ആലോചിച്ചത്. എന്നാല്‍ ആരോഗ്യമുള്ള മനസിന് വേണ്ടിയാണ് ചില കെട്ടുപാടുകള്‍ വേണ്ടെന്നുവച്ചത്. മനസിനെ ദുരിതമാക്കിയ ചിന്തകളില്‍ നിന്നും താന്‍ മുക്തമായിരിക്കുന്നു. ഇനി തനിക്കുവേണ്ടിയും ജീവിക്കണം. ഇത്രയും കാലം മറ്റുള്ളവരുടെ സന്തോഷത്തിന് വേണ്ടി മാത്രം ജീവിച്ചു. മനസിന് ആരോഗ്യം വേണമെങ്കില്‍ മനസിനെ കല കൊണ്ട് നിറയ്ക്കണമെന്ന ചിന്തയില്‍ താന്‍ എത്തിച്ചേര്‍ന്നതായി മഞ്ജു വാര്യര്‍ ശ്രീ ശ്രീ രവിശങ്കറിനെ അറിയിച്ചു. അതിന് ആര്‍ട്ട് ഓഫ് ലിവിംഗ് പഠിക്കണമെന്നാണ് ഗുരുജി മഞ്ജുവിനോട് പറഞ്ഞത്.
അമ്മയുടെ ശിക്ഷണത്തില്‍ തന്നെ ജീവിതം പഠിക്കാന്‍ തീരുമാനിച്ചിരിക്കുകയാണ് മഞ്ജു വാര്യര്‍. ഏതാനും ദിവസങ്ങള്‍ കൊണ്ട് പഠനം പൂര്‍ത്തിയാക്കാനാണ് ഉദ്ദ്യേശം. ഏതായാലും ആര്‍ട്ട് ഓഫ് ലിവിംഗ് പഠനം മഞ്ജുവിന് ഓജസും തേജസും പകരുമെന്ന് സമാധാനിക്കാം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha