വിനീത് ശ്രീനിവാസനും അച്ഛന്‍ ശ്രീനിവാസനും തമ്മിലെന്ത്? ഒന്നുമില്ല. സാധാരണ അച്ഛനെയും മകനെയും പോലെയല്ല ഇവര്‍ . അച്ഛന്‍ വീട്ടിലെത്തിയാല്‍ മകന്റെ തോളില്‍ കൈയിടും. അച്ഛനും മക്കളുമുള്ള വീട്ടില്‍ കഴിവില്ലാത്തത് ഒരേ ഒരാള്‍ക്ക് മാത്രമാണെന്നാണ് അയല്‍ക്കാര്‍ പറയുന്നത്. അത് ഇവരുടെ അമ്മയ്ക്കാണ്. കാരണം അച്ഛനും മക്കളും സിനിമയിലാണ്. ശ്രീനിവാസന്റെ മറ്റൊരു മകനായ ധ്യാനും സിനിമയിലേക്കിറങ്ങുന്നു.

തന്റെ തിരക്കഥകള്‍ അച്ഛന്‍ വായിച്ചു തിരുത്താറുണ്ടെന്നു പറയുന്നതില്‍ വിനീത് ശ്രീനിവാസന് നാണക്കേടൊന്നുമില്ല. അച്ഛന്‍ തിരക്കഥയുടെയും സംവിധാനത്തിന്റെയും കാര്യത്തില്‍ ഉസ്താദാണെന്നെന്നാണ് നടനും സംവിധായകനുമായ മകന്‍ വിനീത് ശ്രീനിവാസന്റെ വിശ്വാസം. അച്ഛനെ തോല്‍പ്പിക്കാന്‍ ആര്‍ക്കുമാവില്ല. താന്‍ എഴുതുന്ന ഓരോ തിരക്കഥകളും അച്ഛനെ കാണിക്കും. തിരുത്തലുകളൊന്നും വരുത്താറില്ലെങ്കിലും തന്റെ നിരീക്ഷണങ്ങള്‍ അച്ഛന്‍ മകന് പറഞ്ഞു കൊടുക്കാറുണ്ട്. ചില ഭാഗത്ത് ചില മാറ്റങ്ങളും നിര്‍ദ്ദേശിക്കും. അത് എഴുതി വീണ്ടും അച്ഛനെ കാണിക്കും. അച്ഛന്‍ തിരുത്തി കൊടുക്കും.
തന്റെ ആദ്യ ചിത്രമായ മലര്‍വാടി ആര്‍ട്‌സ് ക്ലബ്ബില്‍ അച്ഛന്റെ കൈയൊപ്പുണ്ടെന്നാണ് വിനീതിന്റെ പക്ഷം. തിരക്കഥയില്‍ മുന്‍പരിചയമില്ലാത്തതു കൊണ്ടാണ് അച്ഛനെ തിരക്കഥ കാണിച്ചത്. സമൂലമായ മാറ്റങ്ങള്‍ നിര്‍ദ്ദേശിച്ചു. അച്ഛന്‍ വരുത്തിയ മാറ്റങ്ങളായതിനാല്‍ അതേപടി അംഗീകരിച്ചു. എങ്കിലും തിരക്കഥയില്‍ കാര്യമായ മാറ്റങ്ങളൊന്നും വരുത്തിയില്ലെന്നും വിനീത് പറയുന്നു.
വിനീതിന് തമിഴ് ഉള്‍പ്പെടെയുള്ള മറ്റ് ഭാഷകളിലേക്ക് കടക്കാന്‍ വേണ്ടത്ര ആത്മവിശ്വാസമില്ല. മലയാളത്തില്‍ രണ്ട് ചിത്രങ്ങള്‍ സംവിധാനം ചെയ്താലുടന്‍ തമിഴില്‍ ഒരു ചിത്രം ചെയ്യും. അഭിനയം മറ്റ് ഭാഷകളിലേക്ക് മാറ്റുന്ന കാര്യം ആലോചിച്ചിട്ടില്ല. പ്രജിത്ത് കാരണവര്‍ സംവിധാനം ചെയ്യുന്ന ചിത്രത്തിനു വേണ്ടിയാണ് വിനീത് ഇപ്പോള്‍ എഴുതുന്നത്. നിവിന്‍ പോളിയാണ് നായകന്‍. വിനീത് ഒരു ചെറിയ വേഷത്തില്‍ അഭിനയിക്കുന്നുണ്ട്.
സിനിമയില്‍ അച്ഛന്റെ മകനാണ് താനെന്നും വിനീത് പറയുന്നു. മകന്റെ അച്ഛനാണോ ശ്രീനിവാസന്‍ എന്ന ചോദ്യത്തിന് അല്ലേഅല്ല എന്നായിരുന്നു മറുപടി. അതിനുള്ള പ്രായം തനിക്കില്ലെന്നും വിനീത് പറയുന്നു. അച്ഛന്‍ സിനിമയിലെ രാജാധിരാജനല്ലേ ഞാനാര്? വിനീത് ചോദിക്കും.
അമ്മയാണ് വീട്ടിലെ കൃഷികാര്യങ്ങള്‍ നോക്കി നടത്തുന്നതെന്ന് വിനീത് പറഞ്ഞു. അമ്മക്ക് നല്ല ഏസ്ത്തറ്റിക്‌സുണ്ട്. അത് ഞങ്ങള്‍ക്കും കിട്ടിയിട്ടുണ്ടെന്നാണ് വിനീതിന്റെ അഭിപ്രായം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha