സാധാരണയായി കുഞ്ഞുങ്ങള്‍ക്ക് നല്‍കി വരുന്ന വാക്‌സിനുകള്‍ക്ക് പുറമെ നിരവധി പുതിയ വാക്‌സിനുകള്‍ ഇന്നുണ്ട്. അതിന്റെ വില വര്‍ധന കാരണം സാധാരണക്കാര്‍ ഉപയോഗിക്കാന്‍ മടിക്കുന്നു.
ഹിമോഫിലസ് ഇന്‍ഫ്‌ലുവന്‍സ-ബി വാക്‌സിന്‍: ഒരു വയസുവരെയുള്ള പ്രായത്തിനിടയില്‍ മാരകമായ രോഗങ്ങള്‍ക്ക് ഹീമോഫിലസ് ഇന്‍ഫ്‌ളുവ്‌സ ബാക്ടീരിയ കാരണമാകാറുണ്ട്. ശ്വാസകോശങ്ങളെ ബാധിക്കുന്ന ന്യൂമോണിയ, ചെവിയിലെ പഴുപ്പ്, തലച്ചോറിനെ ബാധിക്കുന്ന മസ്തിഷ്‌ക ജ്വരം തുടങ്ങിയവ ഇവയില്‍ പ്രധാനപ്പെട്ട രോഗങ്ങളാണ്. ഇവയെ പ്രതിരോധിക്കാന്‍ ഹിബ് വാക്‌സിന് കഴിവുണ്ട്. ട്രിപ്പിളിന്റെ കൂടെ 6,10,14 ആഴ്ച പ്രായത്തില്‍ 3 ഡോസുകളും ഒന്നര വയസ്സാകുമ്പോള്‍ ഒരു ബൂസ്റ്റര്‍ ഡോസുമാണ് എടുക്കേണ്ടത്. ഒരു ഡോസ് വാക്‌സിന്റെ വില ഏകദേശം 350 മുതല്‍ 400 വരെയാണ്.
ചിക്കന്‍പോക്‌സ് വാക്‌സിന്‍: ശ്വാസകോശങ്ങളെ ബാധിക്കുന്ന ന്യൂമോണിയ. തലച്ചോറിനെ ബാധിക്കുന്ന എന്‍സൈഫലിറ്റിസ് എന്നിവയ്ക്ക് ചിക്കന്‍പോക്‌സ് കാരണമായേക്കാം. 13 വയസ്സില്‍ താഴെ ഒരു ഡോസും മറ്റുള്ളവര്‍ക്ക് 2 ഡോസും (4-8 ആഴ്ചകളുടെ ഇടവേളയില്‍) എടുക്കേണ്ടതാണ്. വില ഒരു ഡോസിന് ഏകദേശം 1250 രൂപയാകും.
ഹെപ്പറ്റൈറ്റിസ്-എ വാക്‌സിന്‍: മഞ്ഞപ്പിത്തത്തിനെതിരെ വളരെ ഫലപ്രദമാണ് ഇത്. 18 മാസത്തിനുമേലെ പ്രായമുള്ളവര്‍ക്ക് വാക്‌സിന്‍ എടുക്കാം. ആറു മാസത്തെ ഇടവേളയില്‍ രണ്ട് ഡോസാണ് വേണ്ടത്.
ന്യൂമോകോക്കല്‍ വാക്‌സിന്‍: രക്തത്തെ ബാധിക്കുന്ന സിക്കിള്‍ സെല്‍ അനീമിയ, വൃക്കകളെ ബാധിക്കുന്ന നെഫ്രോട്ടിക് സിന്‍ഡ്രോം തുടങ്ങിയ ഉള്ളവര്‍ക്കാണ് ഈ വാക്‌സിന്‍ പ്രധാനമായും വേണ്ടത്.
ഹെപ്പറ്റൈറ്റിസ് ബി വാക്‌സിന്‍: സൗജന്യമായി നല്‍കുന്ന കുത്തിവയ്പാണിത്. വളരെ വേഗത്തില്‍ പകരുന്ന രോഗമാ#ോമ് ബി മഞ്ഞപ്പിത്തം. ആദ്യത്തെ ഡോസ്, ജനിച്ച ഉടനെയും രണ്ടാമത്തേത് ഒരു മാസത്തിനുശേഷവും മൂന്നാമത്തേത് ആറു മാസം പ്രായമെത്തുമ്പോഴും കൊടുക്കുന്നതാണ് നല്ലത്. ഇത് കഴിയാതെ വരികയാണെങ്കില്‍ ആറാമത്തേയുമ പത്താമത്തേയും പതിനാലാമത്തേയും ആഴ്ചകളില്‍ ട്രിപ്പിള്‍ വാക്‌സിനൊപ്പവും അല്ലെങ്കില്‍ ജനിച്ച ഉടനെ, ആറാമത്തെ ആഴ്ചയിലും പതിനാലാമത്തെ ആഴ്ചയിലും ഇത് നല്‍കാം.
എംഎംആര്‍ വാക്‌സിന്‍: അഞ്ചാം പനി, മുണ്ടിനീര്, ജര്‍മ്മന്‍ മീസില്‍സ്. എന്നിവയ്‌ക്കെതിരെ ഫലപ്രദമായ വാക്‌സിനാണിത്. ഒമ്പതാം മാസത്തില്‍ മീസില്‍സ് വാക്‌സിന്‍ എടുത്ത കുട്ടി, പതിനഞ്ചാം മാസത്തില്‍ ബൂസ്റ്റര്‍ ഡോസായി എംഎംആര്‍ വാക്‌സിനെടുക്കുന്നത് നല്ലതാണ്.
ജര്‍മ്മന്‍ മീസില്‍സിനെതിരെ മാത്രമായി റുബെല്ലാ വാക്‌സിന്‍ ലഭ്യമാണ്. കൗമാരപ്രായക്കാര്‍ക്കും വിവാഹത്തിന് മുമ്പ് സ്ത്രീകള്‍ക്കും ഒരു ഡോസ് വാക്‌സിന്‍ നല്‍കിയാല്‍ ഗര്‍ഭസ്ഥ ശിശുവിനെ ബാധിച്ചേക്കാവുന്ന അണുബാധയില്‍ നിന്നും രക്ഷനേടാം.
ടൈഫോയ്ഡ് വാക്‌സിന്‍:2 ഡോസ് വാക്‌സിന്‍ 4 മുതല്‍ 6 ആഴ്ച ഇടവിട്ട്-സംരക്ഷണം 3 വര്‍ഷത്തേക്ക്. ശുദ്ധ ജല ലഭ്യത കുറഞ്ഞ സ്ഥലത്ത് താമസിക്കുന്നവര്‍ക്കും പരീക്ഷകള്‍ക്കും ഇന്റര്‍വ്യൂവിനുമൊക്കെ ദുരസ്ഥലങ്ങളില്‍ പോകേണ്ടിവരുന്നവര്‍ക്കും ഇത് വളെര ഫലപ്രദമാണ് . ഈ വാക്‌സിന്റെ വില 250 രൂപ.