ഏതെങ്കിലും ഒരു രോഗം നമുക്ക് പിടിപെട്ടാൽ അതിന്റെ വേവലാതികളാകും നമുക്ക്. എന്നാൽ അപൂർവ്വരോഗങ്ങൾ പോലും ആഘോഷമാക്കിത്തീർക്കുന്ന അതിൽ നിന്നും സന്തോഷം കണ്ടെത്തുന്ന ചുരുക്കം ചിലരെ മാത്രമാണ് നാം കണ്ടിട്ടുള്ളത്. അത്തരത്തിൽ ഒരു യുവതി ലോകശ്രദ്ധ തന്നെ പിടിച്ചുപറ്റിയിരിക്കുകയാണ്. 'ഡെർമറ്റോഗ്രാഫിയ' (dermatographia) എന്ന അപൂർവ രോഗാവസ്ഥയെ കുറിച്ച് നിങ്ങൾ കേട്ടിട്ടുണ്ടാകുമല്ലോ. തൊലി വീർക്കുകയും തൊടുമ്പോൾ ചുവപ്പാകുകയും ചെയ്യുക മാത്രമല്ല. തൊലിപ്പുറത്ത് കാണുന്ന അടയാളങ്ങൾ 30 മിനിറ്റിനുള്ളിൽ അപ്രത്യക്ഷമാവുകയും ചെയ്യുന്ന രോ​ഗാവസ്ഥ കൂടിയാണ് ഇത്.

18 വയസുകാരിയായ എമ്മ ആൽഡെൻ‌റിഡിനെ വർഷങ്ങളായി 'ഡെർമറ്റോഗ്രാഫിയ' എന്ന അപൂർവ രോഗാവസ്ഥ അലട്ടിവരുകയാണ്. എന്നാൽ, എമ്മ ഈ അസുഖത്തെ അത്ര​ ​​ഗൗരവത്തോടെ എടുക്കാതെ 'സ്കിൻ റൈറ്റിംഗ്' തുടരുകയാണ് എന്നതാണ്. ഡെൻമാർക്കിലെ അർഹസിലാണ് എമ്മയുടെ വാസസ്ഥലം. കെെകളിൽ പെൻസിൽ ഉപയോ​ഗിച്ച് വരയ്ക്കുന്ന ഭാ​​ഗത്ത് ഉടനെ വീർക്കുകയും തൊടുമ്പോൾ ചുവന്ന നിറമാവുകയും ചെയ്യുന്നതാണ് പതിവ്. ഇതിനുശേഷം ആ വരകൾ മങ്ങുന്നു. ഏറെ സന്തോഷത്തോടെയാണ് താൻ ഈ കാഴ്ച കാണുന്നതെന്ന് എമ്മ പറയുകയാണ്. എമ്മ ആദ്യമൊക്കെ കെെകളിൽ അക്ഷരങ്ങളായിരുന്നു എഴുതിയിരുന്നത്. എന്നാൽ ഇപ്പോൾ ​കെെകളിൽ വലിയ ഡിസെെനുകൾ ചെയ്യാൻ തുടങ്ങിയെന്ന് എമ്മ പറയുകയാണ്.

എമ്മയുടെ സുഹൃത്തുക്കൾ വളരെ അതിശയത്തോടെയാണ് ഇതിനെ നോക്കി കാണുന്നത്. ഇതിന് ഒരു ഡോക്ടറെ കണ്ട് മരുന്ന് കഴിക്കുന്നത് നല്ലതാണെന്ന് ചിലർ തന്നോട് പറഞ്ഞിട്ടുണ്ടെന്ന് എമ്മ പറഞ്ഞു. ഇടയ്ക്കൊക്കെ ചൊറിച്ചിലുണ്ടാകാറുണ്ടെന്നും ഇപ്പോൾ ഇത് കാര്യമാക്കാറില്ല എന്നും എമ്മപറയുന്നു. ഈ അസുഖം ഒരുതരത്തിലും തന്റെ ജീവിതത്തെ ബാധിച്ചിട്ടില്ലെന്നും അവർ പറയുന്നു.

മൂന്ന് വർഷം മുമ്പ് ഒരു സുഹൃത്താണ് തനിക്ക് ഡെർമറ്റോഗ്രാഫിയ ഉണ്ടെന്ന് കണ്ടെത്തിയത്. എന്റെ കെെകൾ വീർക്കുന്നതും ചുവക്കുന്നതും ആ സുഹൃത്ത് ശ്രദ്ധിക്കുകയായിരുന്നു. ഇതേ അവസ്ഥ കുടുംബത്തിലെ മറ്റ് രണ്ട് പേർക്ക് ഉണ്ടെന്നും എമ്മ പറയുകയാണ്. എമ്മ തന്റെ സ്കിൻ റൈറ്റിംഗ് ചിത്രങ്ങൾ ഇൻസ്റ്റാഗ്രാം പേജായ @dermatographia യയിൽ പതിവായി പങ്കുവയ്ക്കാറുണ്ട്. പലരും ഇത് വളരെ ആശ്ചര്യത്തോടെയാണ് കാണുന്നതെങ്കിലും എമ്മ സന്തോഷവതിയാണ്.