പറഞ്ഞുവന്നാൽ കയ്ക്കുമെങ്കിലും ഗുണങ്ങള് കേട്ടാല് പാവയ്ക്കയെ ഹൃദയത്തിലേറ്റും; പോഷകഗുണങ്ങളാല് സമ്പുഷ്ടം, ശാരീരികാരോഗ്യം മാത്രമല്ല മുഖസംരക്ഷണവും ഏറ്റെടുക്കും
പറഞ്ഞുവന്നാൽ കയ്ക്കുമെങ്കിലും ഗുണങ്ങള് കേട്ടാല് പാവയ്ക്കയെ ആരായാലും ഇഷ്ടപ്പെട്ടുപോകുമെന്നതിൽ സംശയമില്ല. എന്തെന്നാൽ പോഷകഗുണങ്ങളാല് സമ്പുഷ്ടമാണ് പാവയ്ക്ക. കയ്പ്പുമൂലം പലരും അവഗണിക്കുന്ന പാവയ്ക്കയ്ക്ക് മാർക്കെറ്റിൽ വൻ ഡിമാൻഡാണ്.
ഇരുമ്പ് ധാരാളം അടങ്ങിയ പാവയ്ക്കയില് ധാരാളം പൊട്ടാസ്യം അടങ്ങിയിട്ടുണ്ട്. ജീവകം ബി1, ബി2, ബി3 ജീവകം സി, മഗ്നീഷ്യം, ഫോളേറ്റ് സിങ്ക്, ഫോസ്ഫറസ്, മാംഗനീസ്, ഭക്ഷ്യനാരുകള്, കാല്സ്യം എന്നിവയും പാവയ്ക്കയില് അനവധിയാണ്. ആയതിനാൽ തന്നെ ജ്യൂസായും തോരനായും പാവയ്ക്ക ദിവസവും ഭക്ഷണത്തില് ഉള്പ്പെടുത്തുന്നുന്നത് നല്ലതാണ്.
ആയതിനാൽ തന്നെ പ്രമേഹ രോഗികള് പാവയ്ക്ക ധാരാളം കഴിക്കുന്നത് നല്ലതാണ്. പാവയ്ക്കയില് ഇന്സുലിന് പോലുള്ള പോളിപെപ്റ്റൈഡ് പി എന്ന പ്രോട്ടീന് അടങ്ങിയിട്ടുണ്ട്. ഇതാണ് ഇന്സുലിന്റെ പ്രവര്ത്തനത്തെ അനുകരിക്കുകയും പ്രമേഹരോഗികളില് രക്തത്തിലെ പഞ്ചസാരയുടെ അളവു കുറയ്ക്കുകയും ചെയ്യുന്നത് പോലും. ഒപ്പം ജീവകം സിയുടെ കലവറയാണ് പാവയ്ക്ക. ഇത് രോഗപ്രതിരോധ ശക്തി വര്ധിപ്പിക്കുകയാണ്.
പാവയ്ക്കയിലുളള ആന്റി മൈക്രോബിയല്, ആന്റി ഓക്സിഡന്റ് ഗുണങ്ങള് രക്തം ശുദ്ധമാക്കാന് സഹായിക്കുന്നതാണ്. പാവയ്ക്ക ദിവസവും കഴിക്കുന്നത് ചര്മ്മ രോഗങ്ങള്ക്കും നല്ലതാണ് എന്നാണ് പഠനങ്ങൾ വ്യക്തമാക്കുന്നത്. സോറിയാസിസ് രോഗത്തിന് പാവയ്ക്ക കഴിക്കുന്നത് നല്ലതാണെന്നും ഡോക്ടര്മാര് നിര്ദ്ദേശിക്കുകയാണ്. മുഖക്കുരു മാറാന് സഹായിക്കുന്ന ഒന്നുകൂടിയാണ് പാവയ്ക്ക എന്നത്. ഇതുകൂടാതെ ചര്മത്തിലെ അണുബാധകള് അകറ്റാനും പാവയ്ക്ക സഹായിക്കുന്നു.
https://www.facebook.com/Malayalivartha