ചായ കുടിക്കുന്നവരും ചായ അമിതമായി കുടിക്കുന്നവരും ഉണ്ട് .ചിലർക്ക് ചായ ഇല്ലാതെ ഒരു ദിവസമില്ല എന്ന സ്ഥിതിയാണ്. ആവശ്യത്തിലധികം ചായ ശരീരത്തിന് ദോഷമാകും എന്ന കാര്യം സൗകര്യ പൂർവ്വം മറക്കുന്നു. . ചായയുടെ മിതമായ ഉപയോഗം ആരോഗ്യത്തിന് നല്ലതാണ്. എന്നാല്‍ അത് അമിതമായാൽ ആരോഗ്യത്തിന് പ്രശ്നങ്ങള്‍ ഉണ്ടാകും. ഒരാളില്‍ ചായയുടെ ഉപയോഗം അമിതമാകുമ്ബോള്‍ ചായയില്‍ അടങ്ങിയിരിക്കുന്ന കാഫീന്‍ എന്ന പദാര്‍ത്ഥം ഡൈയൂറെടിക് ഇഫക്ടിന് ( മൂത്രത്തിന്റെ അളവ് അമിതമാകുന്ന അവസ്ഥ ) കാരണമാകുന്നു. ഇത് ഉറക്കത്തെ പ്രതികൂലമായി ബാധിക്കും. ചായയിലെ തിയോഫൈലിന്റെ സാന്നിദ്ധ്യം ദഹനവ്യവസ്ഥയെ പ്രതികൂലമായി ബാധിക്കാന്‍ സാദ്ധ്യതയുണ്ട്.

അതുകൊണ്ട് മലബന്ധത്തിന് കാരണമാകാം.കാഫീന്‍ നെഞ്ചെരിച്ചിലിന് കാരണമാകുന്നു. ഉദരത്തില്‍ ആസിഡ് ഉല്പാദനവും കാഫീന്‍ ത്വരിതപ്പെടുത്തുന്നു. ചായയിലെ കാഫീന്‍ ഒരാളില്‍ അമിതമായി എത്തുന്നതോടെ മാനസികാവസ്ഥയേയും സ്വാധിനിക്കാന്‍ സാധ്യതയേറെ ണ്. ഇത് സമ്മര്‍ദ്ദം, ഉത്കണ്ഠ എന്നിവയിലേക്ക് നയിക്കും. ഹൃദയമിടിപ്പ് കൂടാനും സാദ്ധ്യത . ഗര്‍ഭിണികളിലെ ചായയുടെ അമിത ഉപയോഗം വളരെയധികം ബാധികക്കും . ഗര്‍ഭം അലസുന്നത് മുതല്‍ കുഞ്ഞ് ജനിക്കുന്നമ്ബോള്‍ ഭാരക്കുറവ് വരെയുള്ള പ്രത്യാഘതങ്ങള്‍ ഉണ്ടാകാനും സാധ്യതയുണ്ട് .