വണ്ണം കുറയ്ക്കാന്‍ ആഗ്രഹിക്കുന്നവരാണോ? വണ്ണം കുറയ്ക്കുന്നതിന് വേണ്ടി പട്ടിണി കിടന്നാല്‍ മതിയെന്നുളള അബദ്ധങ്ങളാണ് പലരും ചെയ്യുന്നു . ഇത്തരത്തിലുളള അബദ്ധങ്ങള്‍ കാണിച്ച്‌ അനാരോഗ്യം വരുത്തി വയ്ക്കരുത് . ആരോഗ്യകരമായ ഭക്ഷണശീലവും വ്യായാമവും അതോടൊപ്പം ചിട്ടയായ ജീവിതശൈലിയുമുണ്ടെങ്കിൽ ഈ കടമ്പ കടക്കാം. വണ്ണം കുറയ്ക്കാന്‍ ആഗ്രഹിക്കുന്നവര്‍ തീര്‍ച്ചയായും അറിഞ്ഞിരിക്കേണ്ട അഞ്ച് ശീലങ്ങള്‍ ഇവയാണ്;

ഉച്ചഭക്ഷണം ഒഴിവാക്കരുത് . ഇത് വിശപ്പ് കൂട്ടും . പിന്നീട് കൂടുതല്‍ ഭക്ഷണം കഴിക്കാൻ തോന്നും. ചോറിന്‍റെ അളവ് കുറച്ച്‌, കൂടുതല്‍ പച്ചക്കറി സാലഡ്, അല്ലെങ്കില്‍ വേവിച്ച പച്ചക്കറി എന്നിവ ഉച്ചയ്ക്ക് കഴിക്കാം. ചോറിന് പകരം ഒരു ചപ്പാത്തി കഴിക്കുന്നതും നല്ലതാണ്.വെള്ളം കുടിക്കാതിരിക്കരുത്. , ശരീരത്തിലെ കൊഴുപ്പിന്റെ അളവ് കുറയ്ക്കാന്‍ വെള്ളം കുടിക്കുന്നത് ഗുണം ചെയ്യും. ഒപ്പം വെള്ളം കുടിക്കുന്നത് വിശപ്പിനെ നിയന്ത്രിക്കാനും അതുവഴി വണ്ണം കുറയ്ക്കാനും സഹായിക്കും. വൈകുന്നേരം പലഹാരങ്ങള്‍ കഴിക്കുന്ന ശീലം ഒഴിവാക്കുക. വണ്ണം കുറയ്ക്കാന്‍ ആഗ്രഹിക്കുന്നവര്‍ എണ്ണ, നെയ്യ്, പഞ്ചസാര എന്നിവ ചേര്‍ത്തുണ്ടാക്കിയ പലഹാരങ്ങള്‍ ഒഴിവാക്കണം . രാത്രി വൈകിയും പലഹാരങ്ങള്‍ കഴിക്കരുത്. ഉറക്കകുറവും ശരീരഭാരം വര്‍ധിപ്പികുന്നതിന് കാരണമാകാറുണ്ട്. അതുകൊണ്ട് . ദിവസവും അഞ്ച് മണിക്കൂറില്‍ താഴെ ഉറങ്ങുന്നത് അലസത, അമിതമായ വിശപ്പ് എന്നിവയ്ക്കും കാരണമാകാം. ഏഴ് മുതല്‍ ഒന്‍പത് മണിക്കൂര്‍ എങ്കിലും ഉറക്കം ലഭ്യമാക്കുക. വണ്ണം കുറയ്ക്കാന്‍ ആഗ്രഹിക്കുന്നവര്‍ ആദ്യം ചെയ്യേണ്ടത് കൃത്യമായ വ്യായാമമാണ്. ഭക്ഷണം നിയന്ത്രിച്ചതുകൊണ്ടുമാത്രം വണ്ണം കുറയ്ക്കാന്‍ കഴിയില്ല. ഡയറ്റിനോടൊപ്പം ദിവസവും ഒരു മണിക്കൂര്‍ എങ്കിലും വ്യായാമം ചെയ്യണം.