ഈ പുരോഗമന കാലത്ത് 'കന്യകാത്വം' എന്ന് വിശേഷിപ്പിക്കുന്നത് ശരിയല്ലെന്ന് എഴുത്തുകാരിയും 'സെക്ഷ്വല്‍ ഫ്രീഡം ഫിലോസഫര്‍' എന്ന് സ്വയം വിശേഷിപ്പിക്കുകയും ചെയ്യുന്ന നിക്കോള്‍ ഹോഡ്ജസ്. ഇതിനു പകരമായി ഇനിമുതല്‍ 'ലൈംഗിക അരങ്ങേറ്റം' എന്ന വാക്ക് ഉപയോഗിച്ചാല്‍ മതിയെന്നുമാണ് നിക്കോള്‍ ഹോഡ്ജസ് വ്യക്തമാക്കുന്നത്.

സ്ത്രീകളുടെ ലൈംഗികതയുമായി ബന്ധപ്പെട്ട് നിലനില്‍ക്കുന്ന സാമൂഹികമായ ചില അടിച്ചമര്‍ത്തലുകളുടെ ഭാഗമായിട്ടാണ് 'കന്യകാത്വം' എന്ന വാക്കിനെ പുരോഗമന ലോകവും ഫെമിനിസ്റ്റുകളും കണ്ടുപോരുന്നത്. കന്യക എന്ന വാക്ക് സ്ത്രീയെ ഉദ്ദേശിച്ച് ഉപയോഗിക്കുമ്‌ബോള്‍ ഈ വാക്കിനു തുല്യമായി പുരുഷനെ സൂചിപ്പിക്കാന്‍ മറ്റൊരു വാക്ക് ഇല്ലെന്നത് കണക്കിലെടുത്താണ് പകരം 'ലൈംഗിക അരങ്ങേറ്റം' എന്ന വാക്ക് ഉപയോഗിക്കാമെന്ന് നിക്കോള്‍ ഹോഡ്ജസ് വ്യക്തമാക്കുന്നത്.

തന്റെ എന്ന പുസ്തകത്തിലാണ് ഹോഡ്ജസ് ഈ വാക്ക് ഉപയോഗിച്ചിരിക്കുന്നത്. സ്ത്രീകളുടെ രതിമൂര്‍ച്ഛയെ കുറിച്ച് പ്രതിപാദിക്കുന്ന പുസ്തകമാണിത്. കന്യകാത്വം നഷ്ടമായി, കന്യകാത്വം കവര്‍ന്നെടുത്തു തുടങ്ങിയ പരാമര്‍ശങ്ങള്‍ കാലത്തിനു യോജിച്ചതല്ലെന്നും ഇതില്‍ ഉയര്‍ന്നു കാണാവുന്നത് പച്ചയായ സ്ത്രീവിരുദ്ധത ആണെന്നും ഇവര്‍ ചൂണ്ടിക്കാട്ടുന്നു. കന്യകാത്വത്തിനു പകരം പുതിയൊരു വാക്ക് ഉപയോഗിക്കണമെന്ന് ഇവര്‍ മാസങ്ങളായി നിരന്തരം ആവശ്യപ്പെടാറുണ്ടെന്ന് ബിബിസി റിപ്പോര്‍ട്ടു ചെയ്യുന്നു.

ഏതായാലും ഹോഡ്ജസിന്റെ ആരാധകര്‍ ഈ പുതിയ വാക്കിനെ ഏറ്റെടുത്ത് കഴിഞ്ഞു. 'പെണ്‍കുട്ടികള്‍ ഏതെങ്കിലും നഷ്ടത്തില്‍ നിന്നുമല്ല പുതിയൊരു യാത്ര തുടങ്ങേണ്ടത്. അവര്‍ക്ക് എന്തെങ്കിലും നഷ്ടപ്പെട്ടതോ എന്തെങ്കിലും ഉപേക്ഷിച്ചതോ ആയ തോന്നലവിടെയുണ്ടാകുന്നു. അത് അപമാനമായി തോന്നേണ്ട കാലം കഴിഞ്ഞു. മറിച്ച് അതൊരു ആഘോഷമാണ്' എന്നും നിക്കോള്‍ ഹോഡ്ജസ് ട്വിറ്ററില്‍ കുറിച്ചു.