തൈര് താരന് അകറ്റും
മുടി കൊഴിയാനും ശിരോചര്മത്തില് ചൊറിച്ചിലുണ്ടാക്കാനും കാരണമാകുന്ന ഒന്നാണ് താരന്. മാത്രമല്ല താരന് അമിതമാകുന്നത് ചര്മപ്രശ്നങ്ങള്ക്കും അലര്ജിപോലുളള ആരോഗ്യ പ്രശ്നങ്ങള്ക്കും കാരണമാകും. ചില വീട്ടു വൈദ്യങ്ങളിലൂടെ താരന് പൂര്ണ്ണമായും ഇല്ലാതാക്കാന് സാധിക്കും.
* 1 ടീസ്പൂണ് ആപ്പിള് സിഡെര് വിനെഗര്, അരക്കപ്പ് തൈര് എന്നിവ ചേര്ത്തിളക്കുക. ഇത് തലയില് തേച്ചു പിടിപ്പിച്ച് അര മണിക്കൂര് കഴിയുമ്പോള് കഴുകുക. ഈ കൂട്ടിലെ അസിഡിറ്റിയും എന്സൈമുകളും താരന് വളരുന്നത് തടയും.
* തൈരും ആര്യവേപ്പില ചേര്ത്തരച്ചതും തലയില് പുരട്ടുന്നതും ഏറെ നല്ലതാണ്. ഇത് തലയിലെ താരന് ഒഴിവാക്കും.
* പ്രോട്ടീന് സമ്പുഷ്ടമായ തൈര് മുടി വളരാനും മുടിയ്ക്കു മൃദുത്വം നല്കാനും നല്ലതുമാണ്.
* മുടി കഴുകി ശിരോചര്മത്തില് തൈരു തേച്ചു പിടിപ്പിയ്ക്കുക. അര മണിക്കൂര് കഴിഞ്ഞു കഴുകിക്കളായാം. അല്പം പുളിയുള്ള തൈരാണ് കൂടുതല് നല്ലത്.
* ഒരു കപ്പു തൈരും ഒരു മുട്ടയും കൂട്ടിച്ചേര്ത്ത് ശിരോചര്മത്തില് തേച്ചു പിടിപ്പിയ്ക്കുക. ഇത് 30 മിനിറ്റിനു ശേഷം കഴുകിക്കളയാം. മുടി മൃദുവാകുകയും ചെയ്യും.
* ഒരു മുഴുവന് ചെറുനാരങ്ങയുടെ നീരും 2 ടേബിള്സ്പൂണ് തൈരും ചേര്ത്തിളക്കുക. ഇത് ശിരോചര്മത്തില് തേച്ചുപിടിപ്പിയ്ക്കുക. അര മണിക്കൂര് കഴിഞ്ഞു കഴുകിക്കളയാം.
https://www.facebook.com/Malayalivartha
