ഗര്‍ഭനിരോധന ഉറകള്‍ അര്‍ബുദത്തിന് കാരണമാകുമോ...?
ലൈംഗികബന്ധത്തിലേർപ്പെടുമ്പോൾ ഗർഭധാരണത്തെ പ്രതിരോധിക്കാനോ ലൈംഗികരോഗങ്ങൾ പകരുന്നത് തടയുന്നതിനോ ആയി പുരുഷന്മാർ ഉപയോഗിക്കുന്ന ഒരു പ്രതിരോധസംവിധാനമാണ് ഗർഭനിരോധന ഉറ. എന്നാൽ ഗര്‍ഭനിരോധന ഉറകള്‍ അർബുദത്തിന് കാരണമാകുമെന്നാണ് ലോകാരോഗ്യ സംഘടനയുടെ ക്യാന്‍സര്‍ ഗവേഷണ വിഭാഗത്തിന്റെ പഠനത്തിൽ പറയുന്നത്. ഗര്‍ഭനിരോധന ഉറകള്‍ ഉൾപ്പെടെ റബര്‍ ഉല്‍പ്പന്നങ്ങളില്‍ അടങ്ങിയിരിക്കുന്ന ചില കെമിക്കലുകള്‍ അര്‍ബുദത്തിന് കാരണമാകുമെന്നാണ് പഠന റിപ്പോര്‍ട്ടിൽ പറയുന്നത്.
റബര്‍ ഉല്‍പ്പന്നങ്ങള്‍ നിര്‍മ്മിക്കുന്നതിന് ഉപയോഗിക്കുന്ന എം.ബി.ടി (മെര്‍കാപ്‌റ്റോബെന്‍സോതയാസോള്‍) എന്ന കെമിക്കലാണ് അർബുദത്തിന് കാരണമാകുന്നത്. ഗര്‍ഭനിരോധന ഉറകള്‍ മുതല്‍ കയ്യുറകളിലും റബറില്‍ നിര്‍മ്മിച്ച പാവകളിലും വരെ എം.ബി.ടി ഉപയോഗിക്കുന്നുണ്ട്. റീസൈക്കിള്‍ ചെയ്തുവരുന്ന ടയറില്‍ നിന്ന് ഉല്‍പ്പാദിപ്പിക്കുന്ന റബര്‍ ക്രമ്പുകളിലും ഗ്രാന്യൂള്‍സുകളിലും നവജാത ശിശുക്കള്‍ക്കുള്ള ബേബി ഡമ്മികളിലും അര്‍ബുദകാരണമായ ഈ കെമിക്കലുകളുണ്ട്.
ഇത്തരം ഉല്‍പ്പന്നങ്ങള്‍ വാങ്ങുമ്പേള്‍ അതിൽ അടങ്ങിയിരിക്കുന്ന എം.ബി.ടിയുടെ അളവ് ചോദിച്ച് മനസിലാക്കി വാങ്ങിയാൽ അപകടസാധ്യത കുറയ്ക്കാം. ലാറ്റെക്സിൽ നിന്നുമാണ് സാധാരണ ഗർഭനിരോധന ഉറകൾ നിർമ്മിക്കുന്നത്. എന്നാൽ ആധുനികമായി പോളിയൂറിത്തീൻ, പോളി ഐസോപ്രീൻ എന്നിവയിൽ നിന്നും നിർമ്മിച്ചുവരുന്നു.
https://www.facebook.com/Malayalivartha
