ഭക്ഷണവസ്തുക്കള്‍ കേടാവാതെ സൂക്ഷിക്കാന്‍ ഫ്രിഡ്ജ് വളരെയേറെ സഹായിക്കുന്നു. അതുകൊണ്ടുതന്നെ വീട്ടമ്മമാർക്ക് ഫ്രിഡ്ജ് എപ്പോഴും ഒരു ആശ്വാസമാണ്. ഇന്നത്തെകാലത്ത് ഫ്രിഡ്ജ് ഇല്ലാത്തൊരു വീടിനെക്കുറിച്ച് ചിന്തിക്കാനേ കഴിയില്ലെന്ന അവസ്ഥയാണ്. സാധാരണ താപനിലയിൽ നശിച്ചുപോകുന്ന ഭക്ഷ്യവസ്തുക്കൾ തണുപ്പിച്ച് സൂക്ഷിക്കുന്നു. ബാക്ടീരിയ തുടങ്ങിയവയുടെ പ്രവർത്തനം താഴ്ന്ന ഊഷ്മാവുകളിൽ വളരെ സാവധാനത്തിലാണ് എന്നതാണിതിന്‌ കാരണം. ഫ്രിഡ്ജ് ഉളളതുകൊണ്ട്തന്നെ ഭക്ഷണസാധനങ്ങള്‍ എന്തും അവിടെ ഭദ്രമായിയിരിക്കുമെന്നാണ് എല്ലാവരും വിചാരിക്കുന്നത്. എന്നാല്‍ ആ ധാരണ തെറ്റാണ്. ചില ഭക്ഷണസാധനങ്ങള്‍ ഫ്രിഡ്ജില്‍ സൂക്ഷിച്ചാൽ അവയുടെ രുചിയില്‍ മാറ്റം വരും. അങ്ങനെയുള്ള ചില ഭക്ഷണസാധനങ്ങളിൽ ചിലതിനെക്കുറിച്ച് അറിയാം...

നമ്മുടെ ഭക്ഷണചേരുവകളിലെ ഒരു പ്രധാനപ്പെട്ട സാധനമാണ് തക്കാളി. ഇത് ഫ്രിഡ്ജിൽ വച്ചാൽ അതിന്റെ രുചി നഷ്ടമാകും. ശീതീകരണ സമയത്ത് ഇത് ഉണങ്ങാന്‍ തുടങ്ങുകയും ചെയ്യും. അതുക്കൊണ്ട് തക്കാളി പേപ്പര്‍ അല്ലെങ്കില്‍ പ്ലാസ്റ്റിക് ബാഗുകളില്‍ സൂക്ഷിക്കുന്നതാണ് നല്ലത്. അതുപോലെതന്നെ വെളുത്തുള്ളിയും ഫ്രിഡ്ജില്‍ വെയ്ച്ചാൽ സ്വാദ് നഷ്ടമാകും. ഇവയും എപ്പോഴും പേപ്പര്‍ ബാഗിലാക്കി സൂക്ഷിക്കുക. തണുത്ത കാലാവസ്ഥയില്‍ വെയ്ക്കാന്‍ പാടില്ല മറ്റൊന്നാണ് തേൻ. അതുപോലെ എണ്ണ ഒരിക്കലും ഫ്രിഡ്ജില്‍ സൂക്ഷിക്കരുത്. ഫ്രിഡ്ജിൽ വച്ചാൽ എണ്ണ കട്ട പിടിക്കും. ഒലിവോയില്‍, വെളിച്ചെണ്ണ എന്നിവ ഒരിക്കലും ഫ്രിഡ്ജില്‍ സൂക്ഷിക്കരുത്. നട്‌സ് ബേസ്ഡ് ഓയിലുകള്‍ ഫ്രിഡ്ജില്‍ സൂക്ഷിക്കാവുന്നതാണ്. ഉള്ളി ഫ്രിഡ്ജില്‍ സൂക്ഷിച്ചാൽ അതിന്റെ ഈര്‍പ്പം നഷ്ടമാകുകയും പഴകുകയും ചെയ്യും. ബ്രഡ്ഡ് ഫ്രിഡ്ജില്‍ വെയ്ക്കരുത്. ബ്രഡ്ഡ് പെട്ടെന്ന് ഡ്രൈ ആവാനുള്ള സാധ്യത കൂടുതലാണ്. സാധാരണ രീതിയില്‍ 4,5 ദിവസം വരെ കേടുവരാതെ സൂക്ഷിക്കാവുന്നതാണ്.