കിടപ്പറയില് സെക്സിനു മാത്രമല്ല മറിച്ച് വേറെയും ചില കാര്യങ്ങള്ക്ക് പ്രാധാന്യമുണ്ട്
തിരക്കിട്ട ജീവിതത്തിനിടയില് പലപ്പോഴും നഷ്ടമായിക്കൊണ്ടിരിക്കുന്ന ഒന്നാണ് ബന്ധങ്ങള്. അതില് പങ്കാളികള് തമ്മിലുള്ള ലൈംഗിക ബന്ധവും ഉള്പ്പെടുന്നുണ്ട്. എന്നാല് കുടുംബം ഭദ്രതയുണ്ടാക്കാന് എല്ലാ ദിവസവും പങ്കാളികള് തമ്മില് ലൈംഗിക ബന്ധത്തില് ഏര്പ്പെടണമെന്നില്ല. എന്നും സെക്സ് ചെയ്തില്ല എന്ന് കരുതി പങ്കാളികള് തമ്മിലുള്ള ബന്ധങ്ങളില് അകല്ച്ച ഉണ്ടാകണമെന്നുമില്ല. കിടപ്പറയില് സെക്സിനു മാത്രമല്ല മറിച്ച് വേറെയും ചില കാര്യങ്ങള്ക്ക് മുന്ഗണനയുണ്ട്.
തിരക്കിട്ട ജീവിതത്തിനിടയില് പരസ്പരമുള്ള സംസാരം എല്ലാരും മറക്കുകയാണ്. ഓഫീസിലെ പരാതികളും ക്ലെയിന്റ് മീറ്റിങ്ങുകളുമെല്ലാം മാറ്റിവച്ച് കുടുംബത്തിനായി അല്പനേരം സംസാരിക്കാന് മാറ്റിവക്കാം. അവധി ആഘോഷം പ്ലാന് ചെയ്യുകയോ, കാണാന് ആഗ്രഹമുള്ള സ്ഥലങ്ങളെ കുറിച്ചോ, ഭാവി പദ്ധതികളെക്കുറിച്ചോ തുടങ്ങി സന്തോഷം പ്രദാനം ചെയ്യുന്ന കാര്യങ്ങളെക്കുറിച്ച് സംസാരിക്കാം. പരസ്പരം കെട്ടിപ്പിടിച്ച് കിടന്ന് ഉറങ്ങുന്നത് ദമ്പതികള്ക്കിടയില് സ്നേഹവും കരുതലും കൂട്ടും. സ്നേഹ തലോടലുകള്ക്കു ശേഷം പങ്കാളിയുടെ നെഞ്ചില് തല വച്ച് ഉറങ്ങുന്നതിന്റെ സുഖം ഒരു തലയിണയ്ക്കും നല്കാന് കഴിയില്ല. ഇതൊരു സാന്ത്വനത്തിന്റെ കൂടി പ്രതീകമാകുന്നു.
സ്നേഹം ഉള്ളിടത്തു മാത്രമേ ദൃഢമായ ചുംബനവും നടക്കുകയുള്ളൂ. ദാമ്ബത്യബന്ധത്തിനിടയില് വേലിക്കെട്ടുകളില്ലാത്ത ഒന്നാകുന്നു ചുംബനവും. ചുണ്ടിലോ കഴുത്തിലോ കൈയിലോ നെറ്റിത്തടത്തിലോ എവിടെ വേണമെങ്കിലും ഉമ്മകള് നല്കി സ്നേഹം പ്രകടിപ്പിക്കാം. വാക്കുകള് കൊണ്ട് പറഞ്ഞു തീര്ക്കാന് പറ്റാത്ത സ്നേഹമാണ് ഒരുമ്മയിലൂടെ കൈമാറ്റം ചെയ്യപ്പെടുന്നത്.
എന്തെങ്കിലും ഒരു അഭിനന്ദനാര്ഹമായ നേട്ടമോ ജോലിയില് ഒരു പ്രമോഷനോ ഒക്കെ കിട്ടുമ്ബോള് പുറത്തു തട്ടി നിങ്ങള് സ്നേഹം കാണിച്ച് ഒന്നു തലോടാറില്ലേ, ഇത് പരസ്പരമുള്ള വിശ്വാസവും ഉയരങ്ങള് കീഴടക്കാനുള്ള പ്രചോദവും നല്കുന്നുണ്ടെന്ന് അറിയുക. അതുകൊണ്ടു തന്നെ ഇത്തരം തലോടലുകള്ക്ക് ഇനി പിശുക്കു കാണിക്കേണ്ട.
https://www.facebook.com/Malayalivartha
