കോണ്‍ടാക്‌ട് ലെന്‍സുകൾ ഉപയോഗിക്കുന്നവർ ഇക്കാര്യങ്ങൾ അറിഞ്ഞില്ലെങ്കിലും പണികിട്ടും.
ഇന്ന് ലെൻസുകൾ ഉപയോഗിക്കുന്നവരാണ് മിക്ക ആളുകളും. ഇത് ഓരോ കാഴ്ചയിലും കൃഷ്ണമണിക്ക് ഓരോ നിറം, ആകര്‍ഷകമായി തിളങ്ങുന്ന കണ്ണുകള്‍, കോണ്‍ടാക്‌ട് ലെന്‍സിന്‍റെ മായാജാലം ആസ്വദിക്കാനായും ചിലർ ഇത് ഉപയോഗിക്കുന്നു. മാത്രമല്ല നിറങ്ങള്‍ പലതുണ്ടെങ്കിലും ഏറ്റവും കൂടുതല്‍ ആവശ്യക്കാരുള്ളത് പ്ലെയിന്‍ കോണ്‍ടാക്‌ട് ലെന്‍സുകള്‍ക്കാണ്. കാരണം ഇതാണ് കാഴ്ചക്കുറവുള്ളവര്‍ കണ്ണടയ്ക്ക് പകരമായി ഉപയോഗിക്കുന്നതും.
എന്നാൽ വെറും പ്ലാസ്റ്റിക്ക് ലെന്‍സാണ് കോണ്‍ടാക്‌ട് ലെന്‍സ്. ഇത് കൃഷ്ണമണിയുടെ പാടയില്‍ കണ്ണുനീരിന്‍റെ നനവില്‍ ഒട്ടിപ്പിടിച്ചിരിക്കുന്ന സുതാര്യമായ പ്ലാസ്റ്റിക് ലെന്‍സ്. ഇത്തരത്തിൽ കണ്ണുകള്‍ക്ക് ആകര്‍ഷകത്വം നല്‍കുന്ന ഇവ സൂക്ഷിച്ച്‌ കൈകാര്യം ചെയ്യണം. അല്ലാത്തപക്ഷം കണ്ണു തന്നെ നഷ്ടപ്പെട്ടെന്ന് വരും.
അതുപോലെ തന്നെ ലെന്‍സ് ഉപയോഗിക്കുന്നവര്‍ എങ്ങനെയാണ് അത് ഉപയോഗിക്കേണ്ടതെന്ന് ഡോക്ടറോട് കൃത്യമായി ചോദിച്ചു മനസ്സിലാക്കണം. മാത്രമല്ല ഡോക്ടര്‍ നിര്‍ദ്ദേശിച്ച സമയ പരിധിക്കപ്പുറം ഒരു കാരണവശാലും ലെന്‍സ് ഉപയോഗിക്കരുത്.
അതേസമയം തന്നെ ലെന്‍സ് വൃത്തിയാക്കാനുള്ള ലായനി വാങ്ങുമ്പോഴും ഡോക്ടറുടെ നിര്‍ദ്ദേശവും ലെന്‍സ് കമ്പിനിയുടെ നിര്‍ദ്ദേശവും പരിഗണിച്ചാവണം തിരഞ്ഞെടുക്കേണ്ടത്. ഒപ്പം തന്നെ ലെന്‍സ് കണ്ണുകളിലേക്ക് പതിപ്പിക്കും മുമ്പ് കൈ നന്നായി വൃത്തിയാക്കണം. അല്ലങ്കിൽ വൃത്തിയില്ലായ്മ അണുബാധയുണ്ടാക്കാന്‍ കാരണമാവും. ഒപ്പം തന്നെ ലെന്‍സ് കേസും വൃത്തിയായി സൂക്ഷിക്കണം. ചൂട് കൂടുതലുള്ള അന്തരീക്ഷത്തില്‍ കോണ്‍ടാക്‌ട് ലെന്‍സുകള്‍ ഉപയോഗിക്കാതിരിക്കാന്‍ ശ്രദ്ധിക്കണം.
ഇത് ഉപയോഗിക്കുന്നവർ ശ്രദ്ധിക്കേണ്ട ഒരു കാര്യം വസ്ത്രധാരണവും, മേക്കപ്പും കഴിഞ്ഞതിനു ശേഷം മാത്രം ലെന്‍സ് വെയ്ക്കുന്നതാണ് നല്ലത്. കാരണം ചിലപ്പോള്‍ മേക്കപ്പ് സാധനങ്ങള്‍ അതില്‍ പതിയാന്‍ ഇടയുണ്ട്. അതിനാൽ ലെന്‍സ് ഉപയോഗിക്കുമ്പോള്‍ എന്തെങ്കിലും അസ്വസ്ഥതയുണ്ടെങ്കില്‍ ലെന്‍സ് മാറ്റി ഡോക്ടറെ കാണിക്കേണ്ടതാണ്. എന്നാൽ സ്വയം ചികിത്സയ്ക്കായി നില്‍ക്കരുത്.
https://www.facebook.com/Malayalivartha
