ലോകത്തിന്റെ പ്രതീഷയോടുള്ള കാത്തിരിപ്പിനും ആകാംഷയ്‌ക്കും വിരാമമിട്ടായിരുന്നു കോവിഡ് വാക്‌സിൻ കണ്ടുപിടിച്ചതും ഇപ്പോൾ വിതരണം ചെയ്തു തുടങ്ങിയതും.. എന്നാൽ വാക്‌സിൻ സ്വീകരിക്കാൻ തുടങ്ങിയതോടെ പലരിലും ആശങ്കകൾ ഉടലെടുത്തിരിക്കുകയാണ്.. നിരവധി ആശങ്കകൾ ഇതുമായി ബന്ധപ്പെട്ട് ഉയർന്നു വരുന്നുണ്ട്.. ഭക്ഷണത്തിൽ എന്തൊക്കെ മാറ്റങ്ങൾ വരുത്തേണ്ടതായി വരും . രണ്ടാമത്തെ ഡോസ് ഒഴിവാക്കിയാൽ വിപരീത ഫലമുണ്ടാകുമോ തുടങ്ങി നിരവധി സംശയങ്ങൾ ഉയരുന്നുണ്ട് ....

ആരോഗ്യവിദഗ്ധരുടെ അഭിപ്രായങ്ങളെക്കാൾ സമൂഹമാധ്യമങ്ങളിൽ പ്രചരിക്കുന്ന അശാസ്ത്രീയ വിവരങ്ങളാണ് പലരിലും എത്തുന്നത് .ഇതാകട്ടെ വളരെയധികം സംശയങ്ങൾ ഉയർത്തുകയും ചെയ്യുന്നുണ്ട്. വാക്സിനേഷന് ചെല്ലുമ്പോൾ രോഗവിവരങ്ങൾ, കഴിക്കുന്ന മരുന്നുകൾ, അലർജി വിവരങ്ങൾ എന്നിവ വെളിപ്പെടുത്തണമെന്ന് ആരോഗ്യവിദഗ്ധർ നിർദേശിക്കുന്നുണ്ട് . വാക്സീൻ മുടങ്ങിയാലോ എന്നു കരുതി അതൊരിക്കലും പറയാതിരിക്കരുത്.

രണ്ടാമത്തെ ഡോസ് കൃത്യസമയത്തു തന്നെ എടുക്കണം. എല്ലാ വാക്സീനുകളും ശാസ്ത്രീയമായി വികസിപ്പിച്ചതാണ്. ഇവയുടെ പ്രവർത്തനരീതിയിൽ വ്യത്യാസമുണ്ടാകാം. ഒരുവിധത്തിലുമുള്ള ആരോഗ്യപ്രശ്നങ്ങൾക്കു കാരണമാകില്ലെന്നാണു രാജ്യാന്തര റിപ്പോർട്ടുകൾ സൂചിപ്പിക്കുന്നത് . വാക്സീൻ എടുത്തതിന്റെ ആദ്യദിവസങ്ങളിൽ ചിലർക്ക് നിസ്സാര ശാരീരിക അസ്വസ്ഥതകൾ ഉണ്ടായതായി റിപ്പോർട്ടുണ്ടെങ്കിലും ഭൂരിപക്ഷം പേർക്കും പ്രശ്നങ്ങളില്ലഎന്ന് കണ്ടെത്തി .

ചൈനയുടെ സിനോഫാം, യുഎസിന്റെ ഫൈസർ എന്നീ വാക്സീനുകളാണ് യുഎഇയിൽ ലഭ്യമായിട്ടുള്ളത്. നിലവിൽ ദുബായിൽ മാത്രമാണ് ഫൈസർ വാക്സീൻ. വാക്സീൻ എടുത്താലും ആരോഗ്യ മാനദണ്ഡങ്ങളിൽ ഇളവില്ല. മാസ്ക് ധരിക്കുകയും അകലം പാലിക്കുകയും വേണം എന്ന കാര്യം ശ്രദ്ധേയം .

വാക്സീൻ ഒഴിവാക്കേണ്ടവർ ആരൊക്കെയാണ് എന്ന് നോക്കാം; 

 ∙ ഭക്ഷണം, മരുന്ന്, വാക്സീൻ എന്നിവയ്ക്ക് അലർജിയുള്ളവർ.

∙ 14 ദിവസത്തിനകം മറ്റ് വാക്സീനുകൾ സ്വീകരിച്ചവർ

∙ ഗർഭിണികൾ, മുലയൂട്ടുന്ന അമ്മമാർ, 3 മാസത്തിനകം ഗർഭധാരണം ആഗ്രഹിക്കുന്നവർ.

∙ എയ്ഡ്സ് ഉൾപ്പെടെ പ്രതിരോധ ശേഷി കുറയുന്ന രോഗമുള്ളവർ.

∙ അപസ്മാരം, മസ്തിഷ്ക വീക്കം, മാനസിക പ്രശ്നങ്ങൾ എന്നിവയുള്ളവർ.

∙ 16 വയസ്സിൽ താഴെയുള്ളവർ.∙ രക്തസമ്മർദം ഉയർന്ന തോതിലാണെങ്കിൽ വാക്സീൻ എടുക്കില്ല.

∙ പ്രമേഹം, രക്തസമ്മർദം, ആസ്മ, തൈറോയ്ഡ് രോഗങ്ങൾ തുടങ്ങിയവയ്ക്കു മരുന്നുകഴിക്കുന്നവർക്ക് വാക്സീൻ സ്വീകരിക്കാമെന്ന് കരാമ ആസ്റ്റർ ക്ലിനിക് ഇന്റേണൽ മെഡിസിൻ സ്പെഷലിസ്റ്റ് ഡോ.ശ്രീകുമാർ ശ്രീധർ മേനോൻ. കൂടിയ അളവിൽ മരുന്നു കഴിക്കുന്നവരെങ്കിൽ വാക്സീനോട് അനുബന്ധിച്ച് കുറച്ചുദിവസം ശ്രദ്ധിക്കണം. എല്ലാ കാര്യങ്ങളിലും ഡോക്ടറുടെ ഉപദേശം പ്രധാനമാണ്.

∙രണ്ടാമത്തെ ഡോസും എടുത്തശേഷം നിശ്ചിത ദിവസത്തിനകമാണ് വാക്സീന്റെ ഫലം പൂർണതോതിൽ കിട്ടുക. ഓരോ വാക്സീനും ഇതു വ്യത്യാസമുണ്ട്. ആദ്യ ഡോസ് എടുത്ത് അവസാനിപ്പിക്കരുത്.

∙വാക്സീൻ എടുത്തശേഷമുള്ള ദിവസങ്ങളിൽ ഭക്ഷണം കഴിക്കുന്നതിനോ വ്യായാമം ചെയ്യുന്നതിനോ പ്രത്യേക നിർദേശങ്ങളില്ല.