പ്രവാസികൾക്ക് സന്തോഷം പകർന്ന് യുഎഇയുടെ തീരുമാനം; വിസാ നയങ്ങളിലടക്കം ഇളവുകൾ നൽകി പ്രവാസികളായ മാതാപിതാക്കൾക്ക് ഏറെ ആശ്വാസം നൽകുന്ന അറിയിപ്പ്, മക്കളോടൊപ്പം ആയിരിക്കാൻ ഇതാ അവസരം
പ്രവാസികൾക്ക് ഏറെ സന്തോഷം പകരുന്ന വാർത്തയാണ് പുറത്ത് വരുന്നത്. വിസാ നയങ്ങളിലടക്കം ഇളവുകൾ നൽകി പ്രവാസികളായ മാതാപിതാക്കൾക്ക് ഏറെ ആശ്വാസം നൽകുന്ന അറിയിപ്പ് കൂടിയാകുന്നു ഇത്. യുഎഇയിലെ വിദേശികളായ വിദ്യാർഥികൾക്ക് തങ്ങളുടെ മാതാപിതാക്കളെ കൊണ്ടുവരാൻ അനുവദിച്ചതടക്കം ഒട്ടേറെ പുതിയ തീരുമാനങ്ങൾക്ക് കഴിഞ്ഞ ദിവസം ചേർന്ന മന്ത്രിസഭാ യോഗത്തിൽ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂം അംഗീകാരം നൽകുകയുണ്ടായി.
തങ്ങളുടെ സാമ്പത്തികനില അനുവദിക്കുകയാണെങ്കിൽ പ്രവാസി വിദ്യാർഥികൾക്ക് കുടുംബാംഗങ്ങളെ യുഎഇയിലേയ്ക്ക് കൊണ്ടുവരാനുള്ള വീസ അനുവദിക്കുമെന്ന് വ്യക്തമാക്കുകയുണ്ടായി. ഗൾഫിന്റെ വിദ്യാഭ്യാസ കേന്ദ്രമായ യുഎഇയിൽ ആയിരക്കണക്കിന് വിദ്യാർഥികൾ പഠിക്കുന്ന 77 യൂണിവേഴ്സിറ്റികൾ പ്രവർത്തിക്കുന്നതായും പറയുകയുണ്ടായി. 18 വയസ്സ് പൂർത്തിയായ പ്രവാസി വിദ്യാർഥികൾക്ക് തങ്ങളുടെ രക്ഷിതാക്കളെ സ്പോൺസർ ചെയ്യാനുള്ള വീസയാണ് ഇതിലൂടെ അനുവദിക്കാൻ ഒരുങ്ങുന്നത്.
അതോടൊപ്പം തന്നെ ധനകാര്യ സ്ഥാപനങ്ങൾക്കും ബാങ്കിങ് മേഖലയ്ക്കും പിന്തുണ നൽകുന്നതിനായുള്ള പുതിയ 'ഡെബ്റ്റ് സ്ട്രാറ്റജി'ക്കും ഇൗ വർഷത്തെ ആദ്യത്തെ മന്ത്രിസഭാ യോഗം അംഗീകാരം നൽകുകയുണ്ടായി. ആഭ്യന്തര വിനോദ സഞ്ചാരം പ്രോത്സാഹിപ്പിക്കുന്നതിനുള്ള ക്യാംപെയിൻ നടത്തുന്നതിനായി എമിറേറ്റ്സ് ടൂറിസം കൗൺസിൽ സ്ഥാപിക്കുകയും ചെയ്തു. മാത്രമല്ല, യുഎഇയുടെ സാമ്പത്തിക മേഖലയെ സുസ്ഥിരപ്പെടുത്തുന്നതിനുള്ള തീരുമാനങ്ങൾക്കും അംഗീകാരം നൽകി.
ലോകത്തെ ഏറ്റവും പ്രവർത്തനനിരതമായ രാജ്യങ്ങളിലൊന്നാണ് യുഎഇ. തങ്ങളുടെ കഥകൾ പുതിയ വഴിയിലൂടെ പങ്കിടാൻ നവമാധ്യമങ്ങളെയടക്കം രാജ്യം ഉപയോഗിക്കുന്നു. ആ പ്രയത്നം തുടരുകയും ഇൗ വർഷാവസാനത്തോടെ യുഎഇ കൂടുതൽ കരുത്ത് നേടുകയും ചെയ്യും. ആരോഗ്യത്തിനാണ് ഏറ്റവും പ്രമുഖ സ്ഥാനം. അതുവഴി ഭാവിയിലേയ്ക്ക് പുതിയ പ്രയാണം തുടരും– എന്നും ഷെയ്ഖ് മുഹമ്മദ് ട്വീറ്റ് ചെയ്യുകയുണ്ടായി.
https://www.facebook.com/Malayalivartha