സുരേന്ദ്രന്റെ മകളുടെ ചിത്രത്തിന് താഴെ അശ്ലീല കമന്റിട്ട പ്രവാസി പിടിയിൽ; കോഴിക്കോട് സ്വദേശിയായ അജനാസിനെ ഖത്തർ പോലീസ് പിടികൂടിയതായി റിപ്പോർട്ട്, ഇത് സംബന്ധിച്ച വാർത്ത വന്നത് ഖത്തറിലെ റേഡിയോ ന്യൂസിൽ
ബിജെപി അധ്യക്ഷൻ കെ സുരേന്ദ്രന്റെ മകളുടെ ചിത്രത്തിന് താഴെ അശ്ലീല കമന്റിട്ട പ്രവാസി മലയാളിയായ അജ്നസെന്ന യുവാവിനെ ഖത്തർ പോലീസ് അറസ്റ്റ് ചെയ്തതായി റിപ്പോർട്ട്. ഖത്തറിലെ റേഡിയോ ന്യൂസിലാണ് ഇത് സംബന്ധിച്ച വാർത്ത വന്നത്. കോഴിക്കോട് സ്വദേശിയായ അജനാസ് കഴിഞ്ഞ ദിവസം കെ സുരേന്ദ്രൻ സോഷ്യൽ മീഡിയയിൽ പങ്കുവെച്ച മകളുടെ ചിത്രത്തിന് താഴെ അശ്ലീല പരാമർശം നടത്തിയിരുന്നു. ഇതിനെതിരെ വൻ പ്രതിഷേധമാണ് സോഷ്യൽ മീഡിയയിൽ ഉയർന്നത്.
അതോടൊപ്പം തന്നെ ഇതിനെതിരെ രൂക്ഷവിമര്ശനവുമായി പാര്ട്ടി സംസ്ഥാന വക്താവ് സന്ദീപ് വാര്യര് രംഗത്തെത്തുകയും ചെയ്തു. അസഭ്യം പറഞ്ഞവരെ എങ്ങനെ കൈകാര്യം ചെയ്യണമെന്ന് ബിജെപിക്ക് അറിയാമെന്നും അവരെ വെറുതെ വിടാന് ഉദേശിക്കുന്നില്ലെന്നുമായിരുന്നു സന്ദീപ് വാര്യർ ഫേസ്ബുക്കിലൂടെ പ്രതികരിക്കുകയുണ്ടായി.
ഇതിനുപിന്നാലെ അജിനാസിന്റെ വീട്ടിലേക്ക് യുവമോർച്ച പ്രവര്ത്തകര് മാര്ച്ച് നടത്തിയിരുന്നു. അദ്ദേഹത്തിന്റെ പിതാവിന് താക്കീത് നല്കിയാണ് ബിജെപി പ്രവര്ത്തകര് മടങ്ങിയത്. 'ഈ പ്രതികരണമൊന്നുമല്ല ഉണ്ടാകേണ്ടത്. അറിയാല്ലോ, അതിനുള്ള ആള്ക്കാരും സംവിധാനവും ഇവിടെ തന്നെയുണ്ടാവും.' എന്നായിരുന്നു ബിജെപി പ്രവര്ത്തകര് മുന്നറിയിപ്പ് നൽകിയത്. അജ്നാസിനെ തങ്ങള് ഫോണില് ബന്ധപ്പെട്ടെന്നും അവന് പറഞ്ഞത് താന് അല്ല, അങ്ങനെയൊരു പരാമര്ശം നടത്തിയതെന്നാണ്. അവന് അല്ലെങ്കില് കുഴപ്പമില്ല. ആണെങ്കില് നിയമപരമായും അല്ലാതെയും നേരിടുമെന്നും ബിജെപിക്കാര് മുന്നറിയിപ്പ് നൽകിയിരുന്നു.
https://www.facebook.com/Malayalivartha