പ്രവാസികൾക്ക് പ്രതിസന്ധിയായി ആ നിലപാട് ; പ്രതിദിന വിമാനയാത്രികരുടെ എണ്ണത്തില് നിയന്ത്രണമേര്പ്പെടുത്തി കുവൈറ്റ്, ടിക്കറ്റെടുത്ത നിരവധി പ്രവാസികള്ക്ക് തിരിച്ചടിയായി മാറി, എയര്ലൈന്സ് കമ്പനികള് കൂട്ടത്തോടെ വിമാന ടിക്കറ്റ് റദ്ദാക്കി
കൊറോണ വ്യാപനത്തെ തുടർന്നുള്ള നിയന്ത്രണത്തിന്റെ ഭാഗമായി പ്രതിദിന വിമാനയാത്രികരുടെ എണ്ണത്തില് നിയന്ത്രണമേര്പ്പെടുത്തി കുവൈറ്റ്. ഈ നടപടി കുവൈറ്റിലേക്ക് പുറപ്പെടാൻ ടിക്കറ്റെടുത്ത നിരവധി പ്രവാസികള്ക്ക് തിരിച്ചടിയായി മാറിയിരിക്കുകയാണ്. എയര്ലൈന്സ് കമ്പനികള് കൂട്ടത്തോടെ വിമാന ടിക്കറ്റ് റദ്ദാക്കിയതോടെയാണ് പ്രവാസികള് ഇത്തരത്തിൽ പ്രതിസന്ധിയിലായത്.
കൊറോണ വൈറസ് വ്യാപനം നിയന്ത്രവിധേയമാക്കുക എന്ന ലക്ഷ്യത്തോടെ, നാട്ടിലെത്തുന്നവരുടെ പരിശോധനകളും മറ്റും കാര്യക്ഷമമാക്കുന്നതിനായി പ്രതിദിനം 1000 യാത്രക്കാരെ മാത്രം അനുവദിച്ചാല് മതിയെന്ന് വ്യോമയാന വകുപ്പ് കഴിഞ്ഞ ദിവസം തീരുമാനമെടുക്കുകയായിരുന്നു. മാത്രമല്ല, ഒരു വിമാനത്തില് പരമാവധി 35 യാത്രക്കാര് മാത്രമേ പാടുള്ളൂ എന്നും നിബന്ധന മുന്നോട്ട് വയ്ക്കുകയുണ്ടായി.
ഇതോടെയാണ് വിമാനക്കമ്പനികള് നേരത്തേ ഷെഡ്യൂള് ചെയ്ത നിരവധി സര്വീസുകള് റദ്ദാക്കേണ്ടിവന്നത്. സര്വീസ് നടത്തിയ ഫ്ളൈറ്റുകളിലെ യാത്രക്കാരുടെ എണ്ണം കുറക്കാനും ഇവര് നിര്ബന്ധിതരാവുകയായിരുന്നു. ഇതനുസരിച്ച് വിമാനക്കമ്പനികള് നേരത്തേ ടിക്കറ്റ് ബുക്ക് ചെയ്ത യാത്രക്കാരെ ടിക്കറ്റ് റദ്ദാക്കിയതായി അറിയിക്കുകയായിരുന്നു.
https://www.facebook.com/Malayalivartha