അമേരിക്കന്‍ പ്രസിഡന്റായി ഡൊണാള്‍ഡ് ട്രംപ് അധികാരമേറ്റെടുത്തിന് പിന്നാലെ ചൈനയിൽ നിന്നുള്ള ഉത്പന്നങ്ങള്‍ക്ക് ഇറക്കുമതി തീരുവ പത്തു ശതമാനമായി ഉയർത്തിയിരുന്നു. ഇതിനു പിന്നാലെ ഇറക്കുമതി ഉത്പന്നങ്ങള്‍ക്ക് വീണ്ടും നികുതി ഉയർത്തുമെന്ന റിപ്പോർട്ടുകൾ പുറത്തു വന്നതോടെ അമേരിയ്ക്കക്കെതിരെ ചൈന രംഗത്തെത്തിയിരിക്കുകയാണ്.

മുൻപ് അമേരിക്ക ഇറക്കുമതി തീരുവ വർധിപ്പിച്ചത് ഇരു രാജ്യങ്ങളും തമ്മിലുള്ള വ്യാപാര യുദ്ധത്തിലേക്ക് നയിച്ചിരുന്നു. ഇതിന് പിന്നാലെയാണ് 15 ശതമാനം കൂട്ടി 25 ശതമാനം ആക്കാന്‍ ട്രംപ് ഭരണകൂടം ആലോചിക്കുന്നുണ്ടെന്ന വാര്‍ത്ത പുറത്തുവന്നത്.

ചൈനയുടെ വ്യാപാരം തകര്‍ക്കാന്‍ ശ്രമിച്ചാല്‍ അതേ രൂപത്തില്‍ തിരിച്ചടിക്കുമെന്നാണ് വിദേശ കാര്യ വക്താവ് ജെങ് ഷുവാങ് ഇതിനെതിരെ പ്രതികരിച്ചത്.

നേരത്തെ ചൈനീസ് ഉത്പന്നങ്ങള്‍ക്ക് നികുതി വര്‍ധിപ്പിച്ചപ്പോള്‍ ചൈനയും അമേരിക്കന്‍ ഉത്പന്നങ്ങള്‍ക്ക് നികുതി വര്‍ധിപ്പിച്ചിരുന്നു. ട്രംപിന്റെ നടപടി രാജ്യത്തെ സാമ്പത്തികരംഗത്തെ ദോഷകരമായി ബാധിക്കുമെന്നാണ് വ്യവസായ രംഗത്തുള്ളവര്‍ വ്യക്തമാക്കുന്നത്.