ഇറ്റലിയിൽ വിമാനത്തിന്റെ കോക്പിറ്റിലേക്ക് ഇടിച്ചുകയറാൻ ശ്രമിച്ച യാത്രക്കാരനെ പോലീസ് അറസ്റ്റ് ചെയ്തു. ഇറ്റലിയിലെ മിലനില്‍ നിന്നും ദില്ലിയിലേക്ക് തിരിച്ച എയര്‍ ഇന്ത്യ എഎല്‍ 138 വിമാനമാണ് യാത്രക്കാരന്റെ ശല്യം സഹിക്കവയ്യാതെ തിരിച്ചിറക്കേണ്ടി വന്നത്.

ഗുര്‍പ്രീത് സിങ് എന്ന യാത്രക്കാരനാണ് കോക്പിറ്റിലേക്ക് അധിക്രമിച്ച്‌ കടക്കാന്‍ ശ്രമിച്ചത്. ഇതോടെ ഒന്നര മണിക്കൂര്‍ പറന്ന വിമാനം തിരിച്ചിറക്കുകയായിരുന്നു. വിമാനം തിരിച്ചറക്കിയതിനുശേഷം ഇയാളെ പൊലിസിന് കൈമാറി. വിമാനത്തില്‍ 250 യാത്രക്കാരാണ് ഉണ്ടായിരുന്നത്. മിലനില്‍ നിന്ന് എട്ടുമണിക്കൂറിനുള്ളില്‍ ഡല്‍ഹിയിലെത്തേണ്ട വിമാനം രണ്ടു മണിക്കൂര്‍ 37 മിനിറ്റ് വൈകിയാണ് എത്തിയത്.