അപകടത്തില്പ്പെട്ട യാത്രക്കാരന്റെ ദേഹത്ത് തീപിടിച്ചു
കാറുമായി കൂട്ടിയിടിച്ച് നിലത്തുവീണ ബൈക്ക്യാത്രക്കാരന്റെ ദേഹത്ത് തീപിടിച്ചു. കിഴക്കന് ചൈനയിലെ സീജിയാംഗ് പ്രവിശ്യയിലായിരുന്നു സംഭവം. ഫെങ് കു എന്നയാളാണ് ബൈക്ക് ഓടിച്ചിരുന്നത്. തീപിടിച്ച ശരീരവുമായി റോഡിലൂടെ ഓടിയ അയാളെ ആശുപത്രിയില് പ്രവേശിപ്പിച്ചു. തീപിടിച്ച ശരീരവുമായി റോഡിലൂടെ ഓടിയ അയാളെക്കണ്ട് വഴിയാത്രക്കാര് പേടിച്ച് മാറി. ഇതിനിയില് ചെന് താസോ എന്ന വഴിയാത്രക്കാരന് തന്റെ ജാക്കറ്റൂരി ചെന് ഇയാള്ക്ക് എറിഞ്ഞുകൊടുത്തു. പിന്നീട് നിലത്തുകിടന്ന് ഉരുളാനും ആവശ്യപ്പെട്ടു. ഫെന് അപ്രകാരം ചെയ്തതോടെ തീ അണഞ്ഞു തുടങ്ങി. ട്രാഫിക് പൊലീസിന്റെ സി.സി.ടി.വി കാമറയില് അപകടദൃശ്യങ്ങള് പതിഞ്ഞിരുന്നു.
കാറുമായി കൂട്ടിയിടിച്ച് ഫെങ് ബൈക്കിനൊപ്പം ദൂരേക്ക് തെറിച്ചുവീണു. വീഴ്ചയുടെ ആഘാതത്തില് ബൈക്കിലെ ടാങ്ക് തുറന്ന് പെട്രോള് പുറത്തേക്കൊഴുകി. ഇത് ഫെങിന്റെ ദേഹത്തും വീണു. ഞൊടിയിടയ്ക്കുള്ളില് തീയും പിടിച്ചു. ദേഹത്ത് തീപടര്ന്നതോടെ അലറിവിളിച്ച ഫെങ് റോഡിലൂടെ ഓടി. തന്നെ രക്ഷപ്പെടുത്താന് ഇയാള് വിളിച്ചുപറഞ്ഞെങ്കിലും ആരും അടുത്തില്ല.
ഇതിനിടെയാണ് ഒരു രക്ഷകനെ പോലെ ചെന് താസോ അവിടെയെത്തിയത്. തന്റെ ജാക്കറ്റൂരി ചെന് ഇയാള്ക്ക് എറിഞ്ഞുകൊടുത്തു. പിന്നീട് നിലത്തുകിടന്ന് ഉരുളാനും ആവശ്യപ്പെട്ടു. ഫെന് അപ്രകാരം ചെയ്തതോടെ തീ അണഞ്ഞു തുടങ്ങി. ഇതോടെ കൂടുതല് ആള്ക്കാര് രക്ഷാപ്രവര്ത്തനത്തിനായി എത്തി. അവര്തന്നെയാണ് ഫെങിനെ ആശുപത്രിയിലാക്കിയതും. പൊള്ളലേറ്റെങ്കിലും ഫെങിന്റെ നില ഗുരുതരമല്ലെന്നാണ് ആശുപത്രിവൃത്തങ്ങള് പറയുന്നത്. സംഭവത്തെപ്പറ്റി അന്വേഷണമാരംഭിച്ചതായി ട്രാഫിക് പൊലീസ് അറിയിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
