എബോള വൈറസ് ബാധിച്ച് മരിച്ചവരുടെ എണ്ണം ഏഴായിരത്തിന് അടുത്തതായി ലോകാരോഗ്യ സംഘടന. ഇതുവരയുള്ള റിപ്പോര്‍ട്ടുകള്‍ പ്രകാരം എബോള ബാധിച്ച് 6928 പേര്‍ മരിച്ചു. 16,169 പേര്‍ രോഗ ബാധിതരാണ്. ഏറ്റവും ഒടുവില്‍ പ്രസിദ്ധീകരിച്ച കഴിഞ്ഞ ബുധനാഴ്ചത്തെ റിപ്പോര്‍ട്ടില്‍ രേഖപ്പെടുത്തിയതിനേക്കാള്‍ എബോള മരണങ്ങളുടെ നിരക്കില്‍ ആയിരത്തിന്റെ വര്‍ധനവ് ഉണ്ടായി.
രോഗ ബാധിതരുടെ എണ്ണത്തില്‍ 268 പേരുടെ വര്‍ധനവ രേഖപ്പെടുത്തി. എബോള മരണ നിരക്ക് ഇനിയും ഉയര്‍ന്നേക്കുമെന്നാണ് ലോകാരോഗ്യ സംഘനയുടെ വിലയിരുത്തല്‍. എബോള ആദ്യം പൊട്ടിപ്പുറപ്പെട്ട പശ്ചിമ ആഫ്രിക്കന്‍ രാജ്യങ്ങളായ ഗിനിയ, ലൈബീരിയ, സിയറ ലിയോണ്‍ എന്നിവടങ്ങളിലാണ് ഏറ്റവുമാധികം മരണം റിപ്പോര്‍ട്ട് ചെയ്തിരിക്കുന്നത്. ഇവിടങ്ങളില്‍ രോഗം നിയന്ത്രണവിധേയമായിട്ടില്ല. ലൈബീരിയയില്‍ മാത്രം 4181 പേരാണ് എബോള ബാധിച്ച് മരിച്ചത്.
എബോള വൈറസ് ബാധ നിയന്ത്രിക്കാനായില്ലെങ്കില്‍ മരണ സംഖ്യ 20,000 കവിയുമെന്ന് ലോകാരോഗ്യ സംഘടന മുന്നറിയിപ്പ് നല്‍കി. രോഗിയുടെ ശരീര സ്രവം വഴി മാത്രമെ എബോള പടരുകയുള്ളു. അതിനാല്‍ തന്നെ രോഗലക്ഷണം കണ്ടാല്‍ രോഗ ബാധിതരുമായുള്ള സമ്പര്‍ക്കം കുറയ്ക്കണമെന്നും ലോകാരോഗ്യ സംഘടന മുന്നറിയിപ്പ് നല്‍കുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha