ബിക്കിനിയണിഞ്ഞ് പർവ്വതത്തിന് മുകളിൽ നിന്ന് ചിത്രങ്ങൾ പകർത്താനെത്തി:- കാലാവസ്ഥ മോശമായതിന് പിന്നാലെ മലമുകളിൽ തണുത്തുറഞ്ഞ് മരിച്ച നിലയിൽ തായ്വാൻ മോഡലിനെ കണ്ടെത്തി...
ബിക്കിനി മാത്രം ധരിച്ച് പർവ്വതാരോഹണം നടത്തുന്നതിൽ പ്രശസ്തയായ പർവ്വതാരോഹക മലമുകളിൽ വച്ച് തണുത്തുറഞ്ഞ് മരിച്ച നിലയിൽ കണ്ടെത്തി. തായ്വാന് നാന്ടോ സ്വദേശിനിയായ ജിജി വൂവിനെയാണ് മരിച്ച നിലയില് കണ്ടെത്തിയത്. എട്ടു ദിവസങ്ങൾക്ക് മുമ്പാണ് 25 ദിവസം നീണ്ടുനിൽക്കുന്ന പർവ്വതാരോഹണത്തിന് ജിജി പോയത്. തായ്വാനിലെ യുഷാൻ മല കയറുന്നതിനിടയിൽ കാലിന് മുറിവ് സംഭവിച്ചതായി ഇവർ ഒരു സുഹൃത്തിനെ വിളിച്ച് പറഞ്ഞതായി തായ് വാന് ന്യൂസ് റിപ്പോർട്ട് ചെയ്തിരുന്നു.
കാലാവസ്ഥ മോശമായതിനാൽ രക്ഷാപ്രവർത്തകർക്ക് ഇവിടെ എത്താൻ സാധിച്ചില്ല. 28 മണിക്കൂറിന് ശേഷമാണ് എയർലിഫ്റ്റിംഗ് സംവിധാനത്തിലൂടെ ജിജിയെ പുറത്തെടുക്കാൻ സാധിച്ചത്. അപ്പോഴേയ്ക്കും ഇവർ മരണപ്പെട്ടിരുന്നു. ഈ പ്രദേശത്ത് അർദ്ധരാത്രിക്ക് ശേഷമുള്ള ഊഷ്മാവ് തണുത്തുറഞ്ഞ അവസ്ഥയിലാണെന്ന് നാന്റൗ കൗണ്ടി ഫയർ ഡിപ്പാർട്ട്മെന്റ് കമാണ്ടർ ലിൻ ചെങ്ങ് പറയുന്നു.
സമൂഹമാധ്യമങ്ങളിലെ താരം കൂടിയാണ് വൂ ചി യുൻ എന്നറിയപ്പെടുന്ന ജിജി വൂ. പർവ്വതത്തിന്റെ ഏറ്റവും മുകളിലെത്തിയതിന് ശേഷം ഇവർ ബിക്കിനി ചിത്രങ്ങൾ സമൂഹമാധ്യമങ്ങൾ വഴി പങ്കു വയ്ക്കാറാണ് പതിവ്. എന്നാൽ ഇവരുടെ മരണത്തെക്കുറിച്ചുള്ള ഔദ്യോഗിക വിശദീകരണം ഇതുവരെ ലഭിച്ചിട്ടില്ല.
പര്വതങ്ങളിലും ഉയര്ന്ന മലകളിലും കയറി സെല്ഫികള് പകര്ത്തുന്നത് ഗിഗിയുടെ വിനോദമായിരുന്നു. ബിക്കിനി ധരിച്ച് പകര്ത്തിയിരുന്ന സെല്ഫികള് ഫെയ്സ്ബുക്കിലും ഇന്സ്റ്റഗ്രാമിലും പങ്കു വെച്ചിരുന്ന ഗിഗിക്ക് വലിയ ആരാധകവൃന്ദം തന്നെയുണ്ട്. പര്വതങ്ങള്ക്ക് മുകളിലെത്തിയ ശേഷം വസ്ത്രം മാറി ബിക്കിനി ധരിച്ച് സെല്ഫി എടുക്കുകയായിരുന്നു മുപ്പത്താറുകാരിയായ ഗിഗിയുടെ പതിവ്.
നാലു കൊല്ലത്തിനുള്ളില് നൂറോളം മലമുനമ്പുകളില് കയറിയതായി ഫാഷന് ടിവിക്ക് നല്കിയ അഭിമുഖത്തില് ഗിഗി പറഞ്ഞിരുന്നു. സാഹസികത ഇഷ്ടപ്പെടുന്നതു കൊണ്ടാണ് സെല്ഫി പകര്ത്താന് മാത്രമായി മലകള് കയറുന്നതെന്നും ചിത്രങ്ങള് മനോഹരമല്ലേയെന്നും ഗിഗി അഭിമുഖത്തില് പറഞ്ഞിരുന്നു. കുത്തനെയുള്ള മലനിരകള് നിറഞ്ഞ മേഖലയാണ് തായ് വാന്. മൂവായിരം മീറ്ററോളം ഉയരമുള്ള മലനിരകള് ധാരാളമുള്ള രാജ്യത്ത് സ്ഥിരമായി കുറഞ്ഞ കാലാവസ്ഥയാണ്.
ബിക്കിനി ക്ലൈമ്പര് എന്ന പേരില് സാമൂഹിക മാധ്യമങ്ങളില് പ്രശസ്തയായ ഗിഗി വൂവിന്റെ മരണം ആരാധകരെ ഞെട്ടിച്ചിരിക്കുകയാണ്. തായ്വാനിലെ യുഷാന് നാഷണല് പാര്ക്കിലെ മലയിടുക്കില് വീണ ഗിഗിക്ക് ഗുരുതരമായി പരിക്കേറ്റ മൂലം ചലിക്കാന് സാധിക്കുന്നില്ല എന്ന് സാറ്റലൈറ്റ് ഫോണിലൂടെ സുഹൃത്തുക്കളെ അറിയിച്ചിരുന്നു.
രക്ഷാപ്രവര്ത്തനത്തിനെത്തിയ ഹെലികോപ്ടറുകള്ക്ക് അപകടസ്ഥലം കണ്ടെത്താന് പ്രതികൂല കാലാവസ്ഥ തടസമായി. അപകട സ്ഥലം കണ്ടെത്തുമ്പോഴേക്കും ഗിഗിയുടെ മരണം സംഭവിച്ചതായി അധികൃതര് അറിയിച്ചു.
https://www.facebook.com/Malayalivartha