ഫ്രാന്‍സില്‍   മഞ്ഞ കുപ്പായക്കാരുടെ   പ്രക്ഷോഭം തുടരുന്നു. സമരം തുടങ്ങി പതിനൊന്നാഴ്ച പൂര്‍ത്തിയായ ഇന്നലെ നിരവധി പേരാണ് സര്‍ക്കാര്‍ വിരുദ്ധ മുർദ്രാവാക്യവുമായി തെരുവിലിറങ്ങിയത്.അതിനിടെ പോലീസ് അക്രമം അഴിച്ചുവിട്ടതായി സമരക്കാർ ആരോപിച്ചു.

ഈ വാരാന്ത്യത്തിലും നൂറു കണക്കിന് പ്രതിഷേധക്കാരാണ് പാരീസിന്റെ തെരുവുകളില്‍ പ്രതിഷേധവുമായിറങ്ങിയത്. എണ്ണവില വര്‍ധന, ജീവിതച്ചെലവ് വര്‍ധിക്കുന്നത് തുടങ്ങിയവ ഉള്‍പ്പെടെയുള്ള കാര്യങ്ങളില്‍ ജനവിരുദ്ധ നയങ്ങളില്‍ പ്രതിഷേധിച്ചാണ് സമരം. 80,000 പോലീസുകാരാണ് രാജ്യത്താകമാനം പ്രതിഷേധക്കാരെ തടുക്കാന്‍ വിന്ന്യസിച്ചിരിക്കുന്നത്.തങ്ങള്‍ക്കു നേരെ പൊലീസ് അക്രമം അഴിച്ചുവിട്ടതായി സമരക്കാര്‍ ആരോപിച്ചു. കഴിഞ്ഞയാഴ്ചകളിലും‍ പ്രക്ഷോഭകര്‍ക്കു നേരെയുണ്ടായ പൊലീസ് നടപടിയില്‍ നിരവധി പേര്‍ക്ക് പരിക്കേറ്റിരുന്നു.

018 നവം17ന് തുടങ്ങിയ സമരമാണ് രാജ്യത്ത് ഇപ്പോഴും തുടരുന്നത്. ഇന്ധനവില കുറക്കണമെന്നാവശ്യപ്പെട്ടു തുടങ്ങിയ പ്രക്ഷോഭം പിന്നീട് ഇമ്മാനുവല്‍ മാക്രോണിന്റെ രാജി എന്ന ആവശ്യത്തിലേക്ക് എത്തുകയായിരുന്നു.