പ്രസവിച്ച കുഞ്ഞിനെ അമ്മ തിന്നാന് ശ്രമിച്ചു
തെക്കന് ചൈനയിലെ, ഗുവ്വാങ്ഡോങ് പ്രവിശ്യയിലെ ഒരു ആശുപത്രിയില് അടുത്തിടെ നടന്ന ഒരു സംഭവം ആരേയും ഞെട്ടിക്കുന്നതാണ്. കുറച്ചു ദിവസങ്ങള്ക്കു മുമ്പാണ് പ്രസവവേദനയുമായി തെരുവില് കിടക്കുന്ന ലീ സെന്ഗുവ-യെ ആരൊക്കെയോ ചേര്ന്ന് ആശുപത്രിയിലെത്തിച്ചത്. പ്രസവിച്ചതിനുശേഷം ആശുപത്രി അധികൃതര് അവളുടെ ബന്ധുക്കളെ കണ്ടെത്താനുള്ള ശ്രമങ്ങള് നടത്തിനോക്കിയെങ്കിലും ഒന്നും ഫലം കണ്ടില്ല.
അവളുടെ പരിചരണത്തിനായി ഒരു നേഴ്സിനെ പ്രതേ്യകമായി ഏര്പ്പെടുത്തിയിരുന്നു. മറ്റെന്തോ ആവശ്യത്തിനായി പോയ ആ നഴ്സ് തിരികെ മുറിയില് വന്നപ്പോള് സ്വന്തം മകനെ തിന്നാന് ശ്രമിക്കുന്ന ലീസെന്ഗുവ-യെയാണ് കണ്ടത്. അവര് ബഹളം വച്ച് മറ്റു സ്റ്റാഫുകളെ വിളിച്ചു വരുത്തി. അവളുടെ കടിയേറ്റ് ചോര വാര്ന്നൊലിക്കുന്ന കൈയ്യുമായി വാവിട്ടു കരയുന്ന പിഞ്ചുകുഞ്ഞിനെ അവളുടെ പല്ലുകള്ക്കിടയില് നിന്നു വിടുവിച്ചെടുക്കാന് ശ്രമിച്ചെങ്കിലും സാധിച്ചില്ല. ഒടുവില് അവരുടെ പക്കലുണ്ടായിരുന്ന ഒരു ആശുപത്രി ഉപകരണം ഉപയോഗിച്ച് അവളുടെ വായ് ബലമായി തുറന്ന് കുഞ്ഞിനെ രക്ഷിക്കുകയായിരുന്നു.
തുടര്ന്ന് മയങ്ങാനുള്ള മരുന്ന് അവള്ക്ക് നല്കിയതിനുശേഷം കുഞ്ഞിനെ സുരക്ഷിത സ്ഥാനത്തേയ്ക്ക് മാറ്റി. ഗര്ഭിണി ആയിരിക്കെ ലീ സെന്ഗുവ അസാധാരണമായി പെരുമാറാന് തുടങ്ങിയതിനാല് അമ്മായി അമ്മ അവളെ വീടിനു പുറത്താക്കിയതാണന്ന് പിന്നീട് പോലീസ് നടത്തിയ അനേ്വഷണത്തില് മനസ്സിലായി. കുഞ്ഞിനെ മാതാവിന്റെ പക്കല് ഏല്പിക്കണമോ, അതോ അധികൃതരുടെ സംരക്ഷണത്തില് നിലനിര്ത്തണോ എന്ന കാര്യത്തെക്കുറിച്ച് ആലോചനകള് നടക്കുകയാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha