ഞാൻ മതിൽ നിർമ്മിക്കുക തന്നെ ചെയ്യും ’;തീരുമാനത്തിൽ ഉറച്ച് ട്രംപ്
അമേരിക്കൻ - മെക്സിക്കൻ അതിർത്തി മതിൽ പണിയാനുള്ള തീരുമാനത്തിൽ നിന്ന് വിട്ടുവീഴ്ച്ച ചെയ്യില്ലെന്ന് അമേരിക്കൻ പ്രസിഡന്റ് ഡൊണാൾഡ് ട്രംപ്. അനധികൃത കുടിയേറ്റം ഗൗരവതരമായ പ്രശ്നമായതുകൊണ്ട് താൻ മതിൽ പണിയുന്നത് പൂർത്തീകരിക്കുക തന്നെ ചെയ്യുമെന്ന് വ്യക്തമാക്കി. യു.എസ് കോൺഗ്രസിന്റെ ജോയിന്റ് സെഷനിൽ സംസാരിക്കുകയായിരുന്നു അദ്ദേഹം.
ഇവിടെയുള്ളവരിൽ പലരും ഒരിക്കൽ മതിൽ പണിയുന്നതിന് അനുകൂലമായി വോട്ട് ചെയ്തവരാണ്. എന്നാലിപ്പോൾ അത് പൂർത്തീകരിക്കുന്ന കാര്യം വന്നപ്പോൾ ആരും മുന്നോട്ട് വരുന്നില്ല - ട്രംപ് പറഞ്ഞു.
മതിലിന് ഫണ്ട് അനുവദിക്കുന്നതിനായുള്ള ട്രംപിന്റെ ശ്രമത്തെ അമേരിക്കൻ പാർലമെന്റ് പരാജയപ്പെടുത്തിയതിന് ആഴ്ച്ചകൾക്ക് ശേഷമാണ് അദ്ദേഹത്തിന്റെ പ്രസംഗം.
5.7 ബില്യൺ ഡോളറാണ്തന്റെ സ്വപ്ന പദ്ധതിക്കായി ട്രംപ് കോൺഗ്രസിനോട് ആവശ്യപ്പെട്ടിരുന്നത്. എന്നാൽ ഇതിന് ഉടക്ക് നിന്ന പാർലമെന്റിന്റെ നീക്കം, അമേരിക്കയിൽ 35 ദിവസം നീണ്ട ഭാഗികമായ ട്രഷറി സ്തംഭനത്തിനാണ് വഴിവെച്ചത്. ഇതിൽ ട്രംപിന് ഏറെ പഴി കേൾക്കേണ്ടി വന്നിരുന്നു.
ദേശ വ്യാപകമായി ടെലികാസ്റ്റ് ചെയ്തപ്രസിഡന്റ് ട്രംപിന്റെ പ്രഭാഷണം, മതിൽ വിഷയത്തിലുൾപ്പടെയുള്ള ട്രംപിന്റെ നിലപാട് തുറന്നറിയിക്കാനുള്ള വേദിയായി മാറി .
തന്റെ പദ്ധതികൾക്ക് വിലങ്ങു തടിയായി നിൽക്കുന്ന ഡെമോക്രാറ്റുകൾ, അമേരിക്കൻ സാമ്പത്തിക വളർച്ചയെ തന്നെ പ്രതിസന്ധിയിലാക്കുകയാണ് ചെയ്യുന്നതെന്ന് ട്രംപ് കുറ്റപ്പെടുത്തി. എന്നാൽ അതിർത്തിയിൽ മതിൽ പണിയാനുള്ള പ്രസിഡന്റിന്റെ നീക്കം ദുർവ്യയമാണെന്നും, യുക്തിക്ക് നിരക്കാത്തതാണെന്നും ഡെമോക്രാറ്റുകൾ കുറ്റപ്പെടുത്തി.
https://www.facebook.com/Malayalivartha