യുഎസ് പ്രസിഡന്റ് ഡോണള്‍ഡ് ട്രംപും ഉത്തരകൊറിയന്‍ നേതാവ് കിം ജോംഗ് ഉനും തമ്മിലുള്ള അടുത്ത ഉച്ചകോടി വിയറ്റ്‌നാമില്‍ ഫെബ്രുവരി 27 മുതല്‍ 28 വരെ. അമേരിക്കന്‍ പ്രഡിഡന്റ് ഡോണള്‍ഡ് ട്രംപാണ് ഇക്കാര്യം അറിയിച്ചത്. ഇരുനേതാക്കളും തമ്മിലുള്ള ആദ്യ ഉച്ചകോടി സിംഗപ്പൂരിലായിരുന്നു. ഉത്തരകൊറിയ ബന്ദികളാക്കിയ എല്ലാവരും അമേരിക്കയില്‍ തിരിച്ചെത്തിയെന്നും ട്രംപ് പറഞ്ഞു.ഉത്തരകൊറിയ ആണവ പരീക്ഷണങ്ങള്‍ ഇപ്പോള്‍ നിറുത്തിവച്ചിരിക്കുകയാണ്.
കഴിഞ്ഞ 15 മാസമായി മിസൈല്‍ വിക്ഷേപണങ്ങള്‍ ഇല്ല. താന്‍ അമേരിക്കയുടെ പ്രസിഡന്റായി തെരഞ്ഞെടുക്കപ്പെട്ടില്ലായിരുന്നെങ്കില്‍, തന്റെ അഭിപ്രായത്തില്‍ ഇപ്പോള്‍ ഉത്തരകൊറിയയുമായി യുദ്ധം ഉണ്ടാകുമായിരുന്നുവെന്നും അദ്ദേഹം പറഞ്ഞു. ഉത്തരകൊറിയയുമായി ഇപ്പോള്‍ നല്ല ബന്ധമാണ് നിലനില്‍ക്കുന്നതെന്നും ട്രംപ് കൂട്ടിച്ചേര്‍ത്തു.