തലക്കുള്ളിൽ ചിപ്പ് ; ബ്രെയിന് മെഷീന് ഇന്റര്ഫെയ്സ് വികസിപ്പിക്കാനൊരുങ്ങി ഇലോണ് മസ്ക്
യന്ത്രങ്ങള് മനുഷ്യനെ ഇല്ലായ്മ ചെയ്യാതിരിക്കാനായി മനുഷ്യനെയും കംപ്യൂട്ടറുകളേയും തമ്മില് ബന്ധിപ്പിക്കുന്ന പദ്ധതിയുമായി സ്പെയ്സ് എക്സ് മേധാവി ഇലോണ് മസ്ക് രംഗത്ത്.
യന്ത്രങ്ങള് നമ്മളെ ഇല്ലായ്മ ചെയ്യാതിരിക്കാന് മനുഷ്യന് യന്ത്രങ്ങളെ പോലെ ചിന്തിക്കേണ്ടതുണ്ട്.ഇതിനായി മനുഷ്യനെയും കംപ്യൂട്ടറുകളേയും തമ്മില് ബന്ധിപ്പിക്കുന്ന ഒരു ബ്രെയിന് മെഷീന് ഇന്റര്ഫെയ്സ് വികസിപ്പിക്കണം. മസ്ക് പറയുന്നു. മൂന്നു വർഷം മുൻപ് തന്നെ ഇത്തരമൊരു നീക്കം ആരംഭിച്ചു
ഇതിനായി ചെറിയ ഇലക്ട്രോഡുകള് തലച്ചോറുമായി ബന്ധിപ്പിച്ച ആപ്പ് ആണ് മസ്ക് രൂപീകരിക്കുന്നത്. ന്യൂറല് ലേസ് എന്നാണ് ഇതിന് പേരിട്ടിരിക്കുന്നത്. ഇവ ഉപയോഗിച്ച് ചിന്തകള് ഡൗണ്ലോഡ് ചെയ്യുവാനും അപ്ലോഡ് ചെയ്യുവാനും സാധിക്കുമെന്നാണ് മസ്ക് പറയുന്നത്.
കംപ്യൂട്ടര് ചിപ്പ് ഇല്ലാത്ത തലച്ചോര് ആണെങ്കില് നമ്മള് അടിച്ചമര്ത്തപ്പെട്ടേക്കാം . ആ സാഹചര്യങ്ങളെ അതിജീവിക്കുന്ന നമ്മളില് ചിലര് ചിമ്പാൻസികളെയും ഗൊറില്ലകളേയും പോലെ സംരക്ഷിത ഇടങ്ങളിലേക്കമാത്രം ഒതുങ്ങിപ്പോയേക്കാമെന്നും ഇലോണ് മസ്ക് പറയുന്നു.
ഭാവിയില് അതിബുദ്ധിമാന്മാരായ റോബോട്ടുകള് മനുഷ്യര്ക്കുമേല് ആധിപത്യം പുലര്ത്തുമെന്നാണ് കരുതപ്പെടുന്നത്. ആര്ട്ടിഫിഷ്യല് ഇന്റലിജന്സ്, മെഷീന് ലേണിങ് സാങ്കേതിക വിദ്യകളുടെ വളര്ച്ച ആ രീതിയിലാണ്. സൂപ്പര് റോബോട്ടുകള് ചിലപ്പോള് സ്രഷ്ടാക്കളായ മനുഷ്യരെ ഇല്ലായ്മ ചെയ്യാന് ശ്രമിച്ചേക്കാം.ന്യൂറാ ലിങ്ക് ഇപ്പോഴും അതിന്റെ ആദ്യ ഘട്ടത്തിലാണ്. ഈ പദ്ധതിയെ കുറിച്ച് കൂടുതല് വിവരങ്ങളൊന്നും ലഭ്യമല്ല. ഇപ്പോള് കഴിവുറ്റ സാങ്കേതിക വിദഗ്ദന്മാരെ അന്വേഷിക്കുകയാണ് ന്യൂറാലിങ്ക്.
https://www.facebook.com/Malayalivartha
