ശവപ്പെട്ടിയില് മരിച്ചുകിടക്കുന്ന ആളോട് എഴുന്നേൽക്കാൻ കൽപ്പിച്ച് സ്വയം പ്രഖ്യാപിത പുരോഹിതൻ; അത്ഭുതം കണ്ട് ഞെട്ടി ആൾകൂട്ടം- ഒടുവിൽ അത്ഭുതത്തിന് മൊത്തമായും ചില്ലറയായും ക്രെഡിറ്റൊരുക്കിയവർ വെളിപ്പെടുത്തലുമായെത്തി...
മരിച്ചവരെ ഉയിര്പ്പിക്കാനുള്ള സിദ്ധി തനിക്കുണ്ടെന്ന് അവകാശപ്പെട്ട പുരേഹിതന് ശവസംസ്കാര ചടങ്ങ് നടത്തി പുലിവാല് പിടിച്ചു. ദക്ഷിണാഫ്രിക്കയില്നിന്നുള്ള സ്വയം പ്രഖ്യാപിത പുരോഹിതനായ അല്ഫ് ലുക്കൗ ആണ് മരിച്ചവരെ ഉയര്ത്തെഴുന്നേല്പ്പിക്കുമെന്ന അവകാശവാദവുമായി എത്തിയത്. ഇതിനായി ഒരു വ്യാജ ശവസംസ്ക്കാര ചടങ്ങും ലുക്കൗ സംഘടിപ്പിച്ചു.
ദക്ഷിണാഫ്രിക്കയിലെ ജോഹനാസ്ബര്ഗിലാണ് സംഭവം. ശവപ്പെട്ടിയില് കിടക്കുന്ന മരിച്ചയാളോട് 'എഴുന്നേല്ക്കു' എന്ന് ലുക്കൗ ഉച്ചത്തില് പറയുകയും മരിച്ചയാള് പതുക്കെ എഴുന്നേല്ക്കുകയും ചെയ്യുകയായിരുന്നു. സംഭവത്തിന്റെ വീഡിയോ സാമൂഹ്യമാധ്യമങ്ങളില് പ്രചരിച്ചതോടെയാണ് ലുക്കൗവിനെതിരെ പ്രതിഷേധവുമായി പുരോഹിതന്മാരടക്കം രംഗത്തെത്തി. ലുക്കൗയും സഹപ്രവര്ത്തകരും പണത്തിനായി ജനങ്ങളെ കമ്ബിളിപ്പിക്കുകയാണെന്ന് സാംസ്കാരിക സംരക്ഷണ കമ്മീഷന് (സി ആര് ആര് റൈറ്റ്സ് കമ്മീഷന്) പറഞ്ഞു.ശവസംസ്ക്കാര ചടങ്ങും അതില് കിടക്കുന്നയാളെ അടക്കം ലുക്കൗ കെട്ടിചമച്ചതാണെന്ന് ആളുകള് ആരോപിച്ചു.
ആരോപണങ്ങള് ശരിവയ്ക്കുന്ന തരത്തിലുള്ള വെളിപ്പെടുത്തലുകളാണ് ശവസംസ്ക്കാര ചടങ്ങ് നടത്തിയ കമ്ബനി നടത്തുന്നതും. ശവപ്പെട്ടിയില് കിടക്കുന്നയാളടക്കം ലുക്കൗവിന്റെ നിര്ദ്ദേശ പ്രകാരം ഒരുക്കിയതാണെന്ന് കമ്ബനി അധികൃതര് വ്യക്തമാക്കിയിരുന്നു. സംഭവത്തിന് പിന്നാലെ തങ്ങളുടെ ഇമേജിന് കോട്ടം തട്ടിയെന്ന് കാട്ടി കമ്ബനി അധികൃതര് നിയമ നടപടിക്ക് ഒരുങ്ങുകയാണെന്നാണ് വിവരം.ലുക്കൗവിനെതിരെ ഉയര്ത്തെഴുന്നേല്പ്പ് സ്റ്റണ്ട് എന്ന് പേരി്ല ക്യാമ്ബയില് ആരംഭിച്ചിരിക്കുകയാണ് ജനങ്ങള്. രസകരമായ നിരവധി ട്രോളുകളാണ് ക്യാമ്ബയിനെതിരെ പ്രചരിക്കുന്നത്. അതേസമയം സംഭവത്തില് പ്രതികരിക്കാന് ലുക്കൗ തയ്യാറായില്ലെന്ന് അന്തര്ദേശീയ മാധ്യമമായ ബിബിസി റിപ്പോര്ട്ട് ചെയ്യുന്നു.
https://www.facebook.com/Malayalivartha