ഇന്തോനേഷ്യയിലെ സ്വര്‍ണഖനി തകര്‍ന്ന് ആറു ഖനിതൊഴിലാളികള്‍ക്ക് ദാരുണാന്ത്യം... ഖനിക്കുള്ളില്‍ കുടുങ്ങിയ 40 പേര്‍ക്ക് വേണ്ടിയുള്ള രക്ഷാപ്രവര്‍ത്തനം പുരോഗമിക്കുന്നു
ഇന്തോനേഷ്യയിലെ സ്വര്‍ണഖനി തകര്‍ന്ന് ആറു ഖനിതൊഴിലാളികള്‍ മരിച്ചു. ഖനിക്കുള്ളില്‍ കുടുങ്ങിയ 40 പേര്‍ക്ക് വേണ്ടിയുള്ള രക്ഷാപ്രവര്‍ത്തനം പുരോഗമിക്കുകയാണ്. 19 പേരെ അപകടം ഉണ്ടായ ഉടന്‍ തന്നെ രക്ഷപ്പെടുത്തിയിരുന്നു. ഇന്തോനേഷ്യയിലെ ഉത്തര സുലവെസി പ്രവിശ്യയിലാണ് സംഭവം നടന്നത്. രക്ഷാപ്രവര്‍ത്തനത്തിനുള്ള ശ്രമങ്ങള്‍ നടക്കുന്നുണ്ടെങ്കിലും ചെങ്കുത്തായ വഴിയില്‍കൂടി ജീവന്‍രക്ഷാ ഉപകരണങ്ങള്‍ എത്തിക്കുന്നതില്‍ ബുദ്ധിമുട്ട് നേരിടുകയാണ്.
പാറയും മണ്ണും ഇടിഞ്ഞുവീണ് ഖനി മുഖം അടഞ്ഞ നിലയിലാണ്. അനധികൃത ഖനിയാണ് ഇടിഞ്ഞുവീണത്. ഇത്തരം ചെറുകിട സ്വര്‍ണഖനികള്‍ ഇന്തോനേഷ്യന്‍ സര്‍ക്കാര്‍ നിരോധിച്ചിട്ടുണ്ടെങ്കിലും പ്രാദേശിക ഭരണകൂടങ്ങള്‍ നിയമം അത്ര കര്‍ശനമായി നടപ്പാക്കാറില്ല. ആയിരക്കണക്കിന് ഖനി തൊഴിലാളികളുടെ വരുമാന മാര്‍ഗമാണ് ഇത്തരം അനധികൃത ഖനന പ്രദേശങ്ങള്‍.
കഴിഞ്ഞവര്‍ഷവും സുലവെസി പ്രവിശ്യയില്‍ ഖനി ഇടിഞ്ഞുവീണ് അഞ്ചുപേര്‍ മരിച്ചിരുന്നു. കനത്ത മഴയായിരുന്നു അന്ന് അപകടത്തിന് കാരണമായത്.
https://www.facebook.com/Malayalivartha
