ഉത്തരകൊറിയ വീണ്ടും റോക്കറ്റ് വിക്ഷേപണത്തിന് തയ്യാറെടുക്കുന്നു; മിസൈല് പരീക്ഷണമോ ഉപഗ്രഹ വിക്ഷേപണമോ ആകാമെന്ന് റിപ്പോര്ട്ടുകള്
റോക്കറ്റ് വിക്ഷേപണത്തിന് ഉത്തരകൊറിയ വീണ്ടും തയ്യാറെടുക്കുന്നതായി റിപ്പോര്ട്ടുകള്. ഇതൊരു മിസൈല് പരീക്ഷണമോ ഉപഗ്രഹ വിക്ഷേപണമോ ആകാമെന്നാണ് കരുതുന്നത്. ഉപഗ്രഹ ചിത്രങ്ങള് ചൂണ്ടിക്കാട്ടി വിദേശ മാധ്യമങ്ങളാണ് ഇക്കാര്യം റിപ്പോര്ട്ട് ചെയ്തിരിക്കുന്നത്.
ഉത്തരകൊറിയയുടെ റോക്കറ്റ് വിക്ഷേപണ കേന്ദ്രത്തില് ഇതിനുള്ള ഒരുക്കങ്ങള് നടക്കുന്നതായാണ് റിപ്പോര്ട്ട്. ഉത്തരകൊറിയയുടെ ബാലിസ്റ്റിക് മിസൈലുകളും റോക്കറ്റുകളും കൂട്ടിയോജിപ്പിക്കുന്നതും ഇവിടെയാണ്. രാജ്യത്തെ പ്രധാന റോക്കറ്റ് വിക്ഷേപണ കേന്ദ്രമായ സോഹി പുനനിര്മിച്ചതായ വാര്ത്ത വന്നതിനു പിന്നാലെയാണ് പുതിയ വിവരങ്ങള് പുറത്തായിരിക്കുന്നത്. സോഹിയിലെ വിക്ഷേപണ കേന്ദ്രം പൊളിച്ചുമാറ്റാന് കഴിഞ്ഞ വര്ഷം നടപടി തുടങ്ങിയിരുന്നെങ്കിലും യുഎസുമായുള്ള സംഭാഷണം ഇടയ്ക്കുവച്ച് തടസപ്പെട്ടതിനെ തുടര്ന്ന് ഇത് നിര്ത്തിവച്ചിരുന്നു. ഉത്തരകൊറിയ റോക്കറ്റ് പരീക്ഷണങ്ങള് പുന:രാരംഭിച്ചത് നിരാശയുണ്ടാക്കുന്ന തീരുമാനമാണെന്ന് യുഎസ് പ്രസിഡന്റ് ഡോണള്ഡ് ട്രംപ് പ്രതികരിച്ചിരുന്നു.
https://www.facebook.com/Malayalivartha