കൊറോണ വൈറസ് ബാധയില്‍ മരണസംഖ്യ ഉയരുന്നു. ലോകത്താകമാനം കഴിഞ്ഞ 24 മണിക്കൂറിനുള്ളില്‍ നാലായിരത്തിലേറെ മരണം റിപ്പോര്‍ട്ട് ചെയ്തു. ഇതോടെ മരണസംഖ്യ 42,107 ആയി ഉയര്‍ന്നു. 8,23,200 പേര്‍ക്കാണ് ഇതുവരെ വൈറസ് ബാധ സ്ഥിരീകരിച്ചത്. ഏറ്റവും കൂടുതല്‍ മരണം ഇറ്റലിയിലാണ്. 12,428 പേര്‍ ഇതുവരെ ഇറ്റലിയില്‍ മരണപ്പെട്ടു. സ്‌പെയ്‌നില്‍ 8,269 പേരും അമേരിക്കയില്‍ 3,800 പേരും മരിച്ചു. വൈറസിന്റെ പ്രഭവകേന്ദ്രമായ ചൈനയില്‍ 3,305 പേരാണ് ഇതുവരെ മരിച്ചത്. ഫ്രാന്‍സില്‍ 3,024 പേരും ഇറാനില്‍ 2,898 പേരും മരണപ്പെട്ടു.ബെല്‍ജിയത്തില്‍ 12 വയസ്സുള്ള പെണ്‍കുട്ടി മരിച്ചു.

അമേരിക്കയിലാണ് കൂടുതല്‍ പേര്‍ക്ക് വൈറസ് സ്ഥിരീകരിച്ചത്. രോഗികളുടെ എണ്ണം 1.75 ലക്ഷം പിന്നിട്ടു. അമേരിക്കയില്‍ കുറഞ്ഞത് ഒരു ലക്ഷം പേരെങ്കിലും മരിക്കുമെന്ന് ട്രംപ്. ഇറ്റലിയില്‍ 1.05 ലക്ഷം പേര്‍ക്കും സ്‌പെയിനില്‍ 94,000 പേര്‍ക്കും ചൈനയില്‍ 82,000 പേര്‍ക്കുമാണ് വൈറസ് സ്ഥിരീകരിച്ചത്. ജര്‍മനയില്‍ 68,000 പേര്‍ക്കും രോഗ ബാധയുണ്ട്. ലോകത്താകമാനം ഒന്നേമുക്കാല്‍ ലക്ഷത്തിലേറേ പേര്‍ക്ക് ഇതുവരെ രോഗംഭേദമായിട്ടുണ്ട്.