കോവിഡ് രോഗികള് 11 ലക്ഷത്തിലേക്ക്... നിലവിലെ സാഹചര്യത്തില് വരുന്ന ഒരാഴ്ച അതിനിര്ണായകം... കര്ശനമായി സമൂഹ വ്യാപനം തടയാന് കഴിഞ്ഞാല് രോഗം നിയന്ത്രണ വിധേയമാകുമെന്ന് ആവര്ത്തിച്ച് ലോകാരോഗ്യസംഘടന
നിലവില് കോവിഡ് ബാധിതരുടെ എണ്ണം 11 ലക്ഷത്തോളം എത്തിനില്ക്കുന്ന സാഹചര്യമാണുള്ളത് .ലോകാരോഗ്യ സംഘടന ഏറ്റവും ഒടുവിലായി പറഞ്ഞിരിക്കുന്നത് കര്ശനമായി സമൂഹ വ്യാപനം തടയാന് കഴിഞ്ഞാല് രോഗം നിയന്ത്രണ വിധേയമാകും എന്ന് തന്നെയാണ്. കോവിഡ് വൈറസ് അന്തരീക്ഷത്തില് അധികനേരം തങ്ങി നില്ക്കില്ല എന്ന് തന്നെയാണ് ഇപ്പോഴും അവര് ഉറപ്പിച്ചു പറയുന്നത് .അതിനാല് രോഗികളുമായി സമ്പര്ക്കം നടത്താതിരിക്കുക .ആരോഗ്യ മേഖലയിലുള്ളവര് കൃത്യമായ അകലം പാലിക്കുക തുടങ്ങിയവയാണ് രോഗം പടരാതിരിക്കാനുള്ള മുന്കരുതല് എന്നവര് ആവര്ത്തിക്കുകയും ചെയ്യുന്നു .ലോകത്താകമാനം കോവിഡ് ബാധിതരുടെ എണ്ണം ദിവസേന ഒരു ലക്ഷത്തോളം എന്ന കണക്കില് വര്ധിക്കുന്ന സാഹചര്യമാണുള്ളത് .എന്നാല് അസുഖം ഭേദമാകുന്നവര് അരലക്ഷത്തോളം വരുന്നതായും റിപ്പോര്ട്ട് ഉണ്ട് .
നിലവിലെ സാഹചര്യത്തില് വരുന്ന ഒരാഴ്ച അതിനിര്ണായകം തന്നെയാണ് .സമ്പന്ന രാഷ്ട്രങ്ങളായ ഇറ്റലിയിലും സ്പെയിനിലും മാത്രമായി കാല്ലക്ഷത്തിലധികം ആളുകള് കോവിഡ് രോഗബാധ കാരണം മരിക്കുകയുണ്ടായി .ഇത് വ്യാപാര മേഖലയെ തന്നെ തകര്ക്കുന്ന സാഹചര്യത്തിലേക്ക് നീങ്ങുന്നതിനാല് തന്നെ വികസിത രാജ്യങ്ങള് പലതും തകര്ച്ചയുടെ വക്കിലാണ് .ബ്രിട്ടനില് പോലും നിലവില് കോവിഡ് രോഗാബാധിതര് വലിയ തോതില് വര്ധിച്ചിരിക്കുകയാണ് .നിലവില് ബ്രിട്ടനില് മാത്രം രോഗബാധ മൂലം മരിച്ചവരുടെ എണ്ണം 3600 ആയി ഉയര്ന്നിരിക്കുകയാണ് .
നിലവിലെ സ്ഥിതി തുടര്ന്നാല് വികസിത രാജ്യങ്ങള് എന്ന് പേരുള്ള പല് രാജ്യങ്ങളും മൂക്ക് കുത്തി വീഴും എന്ന നിഗമനമാണ് സാമ്പത്തിക വിദഗ്ദ്ധര് സൂചിപ്പിക്കുന്ന പ്രധാന കാര്യം .വരും ദിവസങ്ങളില് ഏതൊക്കെ രാജ്യങ്ങള് ഈ പ്രതിസന്ധിയെ അതിജീവിക്കാന് കഴിയും എന്നത് പോലെ തന്നെയാണ് അതാത് രാജ്യങ്ങളിലെ വാണിജ്യവ്യാപാരമുള്പ്പടെയുള്ള കാര്യം എന്നതാണ് മറ്റൊരു വസ്തുത. ഈ രണ്ടു കാര്യങ്ങളും
പരസ്പര പൂരകങ്ങളായ കാര്യങ്ങള് തന്നെയാണ് .അതിനാല് തന്നെ ഈ കാര്യത്തില് ഏറ്റവും ശ്രദ്ധയോടെയാണ് അമേരിക്ക ഉള്പ്പടെയുള്ള വികസിത രാജ്യങ്ങള് പ്രതിരോധ നടപടിയുമായി മുന്നോട്ട് പോകുന്നത് .നിലവിലെ കണക്കുകള് സൂചിപ്പിക്കുന്നത് പല വികസിത രാജ്യങ്ങളുടെയും സാമ്പത്തിക ഭദ്രത പോലും തകിടം മറിയുന്ന തരത്തിലേക്ക് കാര്യങ്ങള് കുഴഞ്ഞു മറിയുന്ന അവസ്ഥയാണ് .ചൈനയിലെ
വുഹാനാണ് ഈ മഹാമാരിയുടെ ഉറവിടമെങ്കിലും നിലവിലെ സാഹചര്യം കണക്കിലെടുത്താല് ചൈന അതിനെ അതിജീവിക്കുന്നതുള്പ്പടെ കൃത്യമായി തിരിച്ചുവരവിന്റെ പാതയിലാണ് എന്നത് വ്യക്തമാണ്
അതിനാല് തന്നെ വികസ്വര രാജ്യമായ ചൈന നിലവില് ഏറ്റവും ലാഭം കൊയ്യുന്ന നിര്മാണ പ്രവര്ത്തങ്ങളാണ് വാണിജ്യാടിസ്ഥാനത്തില് നടത്തി വരുന്നത് .മുതലെടുപ്പ് നടത്തുകയാണ് എന്ന് ലോകരാജ്യങ്ങള് ഒരേ സ്വരത്തോടെ പറയുമ്പോഴും അതൊന്നും മുഖവിലയക്ക് എടുക്കട്ടേ ഏറ്റവും പെട്ടെന്ന് കോവിഡ് കാരണം ഉണ്ടായ നാശനഷ്ടം നികത്താനുള്ള ശ്രമം അവര് തുടരുകയാണ്.
https://www.facebook.com/Malayalivartha
