അയര്‍ലന്‍റില്‍ മലയാളി നഴ്സ് കൊവിഡ് ബാധിച്ച് മരിച്ചതായി റിപ്പോർട്ട്. കോട്ടയം കുറുപ്പന്തറ സ്വദേശിനി ബീനയാണ് മരിച്ചത് എന്നാണ് ലഭ്യമാകുന്ന വിവരം. ഇവരുടെ കുടുംബം മരണവിവരം സ്ഥിരീകരികൽകുകയുണ്ടായി. അതേസമയം ന്യുയോർക്കിൽ കൊവിഡ് 19 ബാധിച്ച മലയാളി വിദ്യാർത്ഥിയും മരിച്ചതായും റിപ്പോർട്ട് ലഭിക്കുകയുണ്ടായി. തിരുവല്ല കടപ്ര വലിയപറമ്പിൽ തൈക്കടവിൽ ഷോൺ എബ്രഹാം (21) ആണ് മരിച്ചതായി വ്യക്തമാക്കിയത്. ഇവർ ഒരാഴ്ചയായി കൊവിഡ് ചികിത്സയിലായിരുന്നു.

അതോടൊപ്പം തന്നെ കൊവിഡ് ബാധിച്ച് സൗദിയില്‍ ചികിത്സയിലായിരുന്ന മലയാളി യുവാവ് മരിച്ച വിവരം നേരത്തെ പുറത്തുവന്നിരുന്നു. മലപ്പുറം ചെമ്മാട് സ്വദേശി സ്വദേശി നടമ്മല്‍ പുതിയകത്ത് സഫ് വാനാണ് മരിച്ചതായുള്ള റിപ്പോർട്ട് ലഭിച്ചത്. ഇന്നലെ രാത്രി ഒമ്പതരയോടെയാണ് സഫ് വാൻ കൊറോണ ബാധിച്ച് മരിച്ചത്. പത്ത് ദിവസമായി ഇദ്ദേഹത്തിന് പണി ബാധിച്ചിരുന്നു. എന്നാൽ അഞ്ചു ദിവസം മുമ്പാണ് റിയാദിലെ സൗദി ജർമ്മൻ ആശുപത്രിയിൽ കൊവിഡ് ലക്ഷണങ്ങളുമായി സഫ് വാനെ പ്രവേശിപ്പിച്ചത്. വെള്ളിയാഴ്ച്ച ഇദ്ദേഹത്തിന് കൊവിഡ് സ്ഥിരീകരിക്കുകയും ചെയ്തിരുന്നു. തുടർന്ന് ഇന്നലെ വൈകുന്നരത്തോടെ അസുഖം മൂര്‍ച്ഛിച്ചതായും രാത്രിയോടെമരണം സംഭവിച്ചുവെന്നുമാണ് ആശുപത്രി അധികൃതര്‍ മലപ്പുറത്തെ ബന്ധുക്കളെ അറിയിച്ചത്.

അതോടൊപ്പം തന്നെ യുഎസിൽ കോവിഡ് 19 രോഗം ബാധിച്ചു മരിച്ച മലയാളി തങ്കച്ചൻ ഇഞ്ചനാട്ടിന്റെ വേർപാടിൽ വിതുമ്പുകയാണ് ഒരു നാട് മുഴുവൻ. ന്യൂയോർക്ക് മെട്രോപൊളിറ്റൻ ട്രാൻസ്‌പോർട് അതോറിറ്റി ഉദ്യോഗസ്ഥനായ തങ്കച്ചൻ ഇഞ്ചനാട്ട് കോവിഡ് ബാധിച്ചു കഴിഞ്ഞ കുറച്ചു ദിവസങ്ങളായി കൊറോണ ബാധിച്ച് ആശുപത്രിയിലായിരുന്നു. ഇവർ ന്യൂയോർക്ക് ക്വീൻസിലായിരുന്നു താമസം. തൊടുപുഴ മുട്ടം സ്വദേശിയും ഇഞ്ചനാട്ട് കുടുംബാംഗവുമാണ്. അതോടൊപ്പം തന്നെ ഷീബയാണ് ഭാര്യ, മാത്യൂസ്, സിറിൽ എന്നിവർ മക്കളാണ് .

എന്നാൽ കോവിഡ് 19 എന്ന മാരക വൈറസിന്റെ പിടിയിലമർന്നു നിരവധി ജീവിതങ്ങളാണ് പാതിവഴിയിൽ അസ്തമിക്കുന്നത്. ഒരു നാടിനു മുഴുവൻ താങ്ങും തണലുമായിരുന്ന തങ്കച്ചന്റെ അപ്രതീക്ഷിത വേർപാടും വളരെ നൊമ്പരമാകുകയാണ്. എണ്ണത്തെന്നാൽ മുട്ടം എന്ന ഗ്രാമത്തിന്റെ നെടുംതൂണായിരുന്ന, അവരുടെ പ്രിയപ്പെട്ട തങ്കച്ചന്റെ വേർപാടിൽ വിറങ്ങലിച്ചു നിൽക്കുകയാണ് ഒരു നാട് മുഴുവൻ.