രാജ്യം കൊറോണ പ്രതിസന്ധി നേരിടുന്ന ഘട്ടത്തില്‍ ആരോഗ്യമേഖലയെ സഹായിക്കുന്നതിനായി വീണ്ടും ഡോക്ടറായി സര്‍വീസില്‍ പ്രവേശിച്ച് അയര്‍ലന്‍ഡ് പ്രധാനമന്ത്രി
രാജ്യം കൊറോണ പ്രതിസന്ധി നേരിടുന്ന ഘട്ടത്തില്‍ ആരോഗ്യമേഖലയെ സഹായിക്കുന്നതിനായി വീണ്ടും ഡോക്ടറായി സര്‍വീസില്‍ പ്രവേശിച്ച് അയര്‍ലന്‍ഡ് പ്രധാനമന്ത്രി ലിയോ വരദ്കര്‍. മെഡിക്കല്‍ സംഘത്തെ സഹായിക്കാന്‍ ആഴ്ച്ചയില്‍ ഒരിക്കല്‍ അദ്ദേഹം ഉണ്ടാകും. ഏഴുവര്‍ഷം ഡോക്ടറായി സേവനമനുഷ്ഠിച്ച വരദ്കര്‍ രാഷ്ട്രീയത്തില്‍ പ്രവേശിക്കുന്നതിനായി 2013 ലാണ് ജോലി ഉപേക്ഷിച്ചത്. തന്റെ പ്രാക്ടീസ് പരിധിയിലുള്ള പ്രദേശത്ത് ആഴ്ചയില്‍ ഒരു സെഷന്‍ അദ്ദേഹം ആരോഗ്യരംഗത്ത് പ്രവര്‍ത്തിക്കുമെന്ന് വരദ്കറിന്റെ ഓഫിസ് അറിയിച്ചു.
അദ്ദേഹത്തിന്റെ കുടുംബവും സുഹൃത്തുക്കളായ ചിലരും ആരോഗ്യരംഗത്ത് ജോലി ചെയ്യുന്നവരാണ്. അയര്‍ലന്‍ഡില്‍ കൊവിഡ് സ്ഥിരീകരിച്ചതിനു പിന്നാലെ മെഡിക്കല്‍ യോഗ്യതയുള്ള ഇപ്പോള്‍ പ്രവര്‍ത്തിക്കാത്ത ആളുകളോട് രംഗത്തേക്ക് തിരിച്ചുവരാന്‍ സര്‍ക്കാര്‍ ആഹ്വാനം ചെയ്തിരുന്നു. ഇതിനെത്തുടര്‍ന്ന് 70,000 ത്തിലധികം പ്രതികരണങ്ങളാണ് ലഭിച്ചത്.
"
https://www.facebook.com/Malayalivartha
