ലണ്ടനിൽ കൊവിഡ് ബാധിച്ച് ഒരു മലയാളി കൂടി മരിച്ചതായി റിപ്പോർട്ട്. ലണ്ടന്‍ റെഡ് ഹില്ലില്‍ താമസിക്കുന്ന കണ്ണൂര്‍ വെളിമാനം സ്വദേശി സിന്റോ ജോര്‍ജ് (36) ആണ് മരിച്ചത് എന്നാണ് ലഭ്യമാകുന്ന വിവരം. വൈറസ് ബാധ സ്ഥിരീകരിച്ചതിനെ തുടര്‍ന്ന് തീവ്ര പരിചരണ വിഭാഗത്തില്‍ ചികിത്സയിലായിരുന്നു ഇദ്ദേഹം. അതോടൊപ്പം തന്നെ കഴിഞ്ഞ ഒരാഴ്ചയോളമായി ഇയാള്‍ വെന്റിലേറ്ററില്‍ ചികിത്സയിലായിരുന്നു. ചാലക്കുടി സ്വദേശി നിമിയാണ് ഇദ്ദേഹത്തിന്റെ ഭാര്യ. മൂന്നു മക്കളാണ് ഇവർക്കുള്ളത്.

ലണ്ടനില്‍ നഴ്‌സായി ജോലി ചെയ്തുവരികയായിരുന്നു മരിച്ച സിന്റോ. ലണ്ടനില്‍ മകളെ കാണാനായി എത്തിയ കൊട്ടാരക്കര സ്വദേശിനി ഇന്ദിരാ ഭാരതിയാണ് ലണ്ടനില്‍ മരിച്ച മറ്റൊരു മലയാളി എന്നത്. ഇന്നലെ സെന്റ് ജോര്‍ജ് ആശുപത്രിയില്‍ വെച്ചായിരുന്നു ഇവരുടെ മരണം രേഖപെടുത്തിയത്. അതോടൊപ്പം മുട്ടറ ഗവ.ഹയര്‍സെക്കന്‍ഡറി സ്‌കൂളിലെ റിട്ട.അധ്യാപികയാണ്. എന്നാൽ ഇതുവരെ യുകെയില്‍ മാത്രം വൈറസ് ബാധമൂലം മൂന്ന് മലയാളികളാണ് മരിച്ചത്.

അതോടൊപ്പം കൊവിഡ് ബാധിച്ച് വിദേശത്ത് മരിച്ച മലയാളികളുടെ എണ്ണം 16 ആയി ഉയർന്നു. എന്നാൽ കൊറോണ പടർന്നുപിടിക്കുന്ന സാഹചര്യത്തിലും കേരളത്തിൽ രണ്ട് മലയാളികളാണ് കൊവിഡ് ബാധിച്ച് ഇതുവരെ മരിച്ചത്. എന്നാൽ ലഭ്യമാകുന്ന വിവരം അനുസരിച്ച് യു.എസില്‍ മൂന്ന് പേരും അയര്‍ലന്‍ഡിൽ രണ്ട് പേരുമാണ് മരിച്ചത്. ഓപ്പൺ മരിച്ചവരില്‍ രണ്ട് പേര്‍ നഴ്‌സുമാരാണ്. ദുബായിലും സൗദിയിലും രണ്ടുപേർവീതം മരിക്കുകയുണ്ടായി.

പത്തനംതിട്ട ഇലന്തൂർ ഈസ്റ്റ് ആലനിൽക്കുന്നതിൽ കുഴിക്കൽ (താഴയിൽ) പാപ്പച്ചന്റെ മകൻ തോമസ് ഡേവിഡ് (ബിജു – 47), പത്തനംതിട്ട സ്വദേശി പരേതനായ സാമുവലിന്റെ ഭാര്യ കുഞ്ഞമ്മ (85) എന്നിവരാണു യു.എസിൽ മരിച്ചത്. മലപ്പുറം പൊന്ന്യാകുർശി സ്വദേശിയായ പരേതനായ പച്ചീരി അയമുട്ടിയുടെ മകൻ ഡോ. പച്ചീരി ഹംസ (80) ആണ് ലണ്ടനിലെ വെസ്റ്റ് മിഡ്‌ലാൻഡിൽ മരിച്ചത്. കേരളത്തിന് പുറത്ത് മുംബയിൽ മരിച്ചത് തലശ്ശേരി കതിരൂർ സ്വദേശി അശോകൻ (63). എന്നാൽ മരണശേഷമാണ് കോവിഡ് സ്ഥിരീകരിച്ചത്.

ഗൾഫ് രാഷ്ട്രങ്ങളിൽ കൊറോണ ബാധിച്ച് മരിച്ചത് മലപ്പുറം സ്വദേശി സഫ്‌വാൻ, കണ്ണൂർ സ്വദേശി ഷബ്‌നാസ് അതോടൊപ്പം തന്നെ യുഎഇയിൽ തൃശൂര്‍ കൈപ്പമംഗലം സ്വദേശി മൂന്നുപീടിക തേപറമ്പില്‍ പരീദാണ് (67) ആണ് മരിച്ചത്. ഒപ്പം അവസാനമായി കോവിഡ്  മരണം സ്ഥിരീകരിച്ച് മരിച്ചത് കണ്ണൂർ പേരാവൂര്‍ കോളയാട് സ്വദേശി ഹാരിസ് ആണ്. എന്നാൽ ദിനംപ്രതി വിദേശരാജ്യങ്ങളിൽ പ്രവാസികൾ രോഗബാധിതരാകുന്നു എന്നുള്ള കണക്കുകൾ ഏവരെയും നൊമ്പരപ്പെടുത്തുകയാണ്.

ഗൾഫ് രാഷ്ട്രങ്ങളിൽ നിന്ന് ലഭ്യമാകുന്ന കണക്കുകൾ പ്രകാരം കുവൈറ്റ് ബഹ്‌റൈൻ യുഎഇ എന്നിവിടങ്ങളിൽ കൂടുതലും കൊറോണ സ്ഥിരീകരിച്ചത് ഇന്ത്യക്കാർക്കാണ്. ഇവർക്കെല്ലാം തന്നെ സമ്പർക്കത്തിലൂടെയാണ് പടർന്നത്.