നാടണയാൻകാത്ത് പ്രവാസികൾ; ഏപ്രിൽ 15 നിര്ണായകമാകുന്നു, ഇന്ത്യയിലേക്ക് പറക്കാനൊരുങ്ങി ഫ്ലൈ ദുബായ്
ലോകത്തിൽ പതിനായിയിരങ്ങളുടെ ജീവനെടുത്ത കൊറോണ വൈറസ് ഇനി എത്രകാലംകൂടി ദുരന്തം വിതറും എന്ന കാര്യത്തിൽ ആർക്കും ഒരു നിശ്ചയവുമില്ല. എന്നാൽ സാമൂഹികമായ അകലം പാലിച്ചുകൊണ്ട് സ്വയം സംരക്ഷിച്ചും സമൂഹത്തിനെ രക്ഷിച്ചുമായിരിക്കണം നമ്മുടെ ജീവിതം എന്ന് ഗവൺമെന്റുകളും സാമൂഹികപ്രവർത്തകരും മാധ്യമങ്ങളും നിരന്തരം ഓർമിപ്പിക്കുകയുമാണ്. പക്ഷേ,അപ്പോഴും വെറുതെ ഒന്ന് പുറത്തിറങ്ങി നോക്കാൻ താത്പര്യം കാട്ടുന്നവർ കുറവാണേലും ഉണ്ടെന്ന് തന്നെ പറയാം.
എന്നാൽ കൊറോണ വൈറസ് ഏറെ പ്രതിസന്ധിയിലാക്കിയത് നമ്മുടെ പ്രവാസികളെതന്നെയാണ് എന്ന കാര്യത്തിൽ സംശയമില്ല. ചികിത്സയ്ക്കോ മറ്റ് അടിയന്തര ആവശ്യങ്ങൾക്കോ നാട്ടിലെത്താനാകാതെ വളരെ വല്യ സംഘർഷാവസ്ഥയിലൂടെയാണ് കടന്നുപോകുന്നത്. ലോക്ക് ഡൗൺ അവസാനിക്കാനിരിക്കുന്ന ഏപ്രിൽ 14 കഴിഞ്ഞ് 15 മുതൽ ഭാഗികമായി പ്രത്യേക വിമാന സർവീസുകൾ പുനരാരംഭിമെന്നാണ് കരുതുന്നത്. യുഎഇയുടെ ഇത്തിഹാദ്,എമിറേറ്റ്സ് എന്നീ വിമാനക്കമ്പനികൾ രംഗത്ത് എത്തിയതിന് പിന്നാലെ ദുബായിൽ നിന്ന് മറ്റൊരു വിമാനവും സർവീസ് തുടങ്ങാൻ പോകുന്നു എന്ന വാർത്തയാണ് പുറത്തേക്ക് വരുന്നത്.
ഇന്ത്യയിലേക്ക് ഏപ്രിൽ 15 മുതൽ പ്രത്യേക സർവീസുകൾ നടത്താൻ ദുബായിയുടെ ബജറ്റ് എയർലൈനായ ഫ്ളൈ ദുബായ് നടപടി ആരംഭിച്ചതായി റിപ്പോർട്ട്. കൊറോണ രോഗ നിയന്ത്രണത്തിനായുള്ള ഇന്ത്യയിലെ വിലക്കുകൾ ഏപ്രിൽ 14-ന് അവസാനിക്കുമെന്ന പ്രതീക്ഷയിലാണിത് എന്നാണ് ലഭ്യമാകുന്ന വിവരം. എന്നാൽ കോഴിക്കോട്, നെടുമ്പാശ്ശേരി ഉൾപ്പെടെ ഇന്ത്യയിലെ ഏഴ് കേന്ദ്രങ്ങളിലേക്കാണ് സർവീസ് നടത്തുമെന്ന വാർത്തയാണ് ഇപ്പോൾ പുറത്തേക്ക് വരുന്നത്.
അതേസമയം ഇന്ത്യയിലെ നിയമങ്ങൾക്ക് വിധേയമായിട്ടായിരിക്കും പ്രത്യേക സർവീസുകളെന്ന് അറിയിച്ചുകൊണ്ടാണ് അവരുടെ വെബ്സൈറ്റിൽ ടിക്കറ്റ് വിൽപ്പന തുടങ്ങിയത്. എന്നാൽ തന്നെയും മടക്കയാത്രയ്ക്കുള്ള ടിക്കറ്റ് വെബ്സൈറ്റിൽ കാണാത്തതുകൊണ്ടുതന്നെ ഇത് പ്രത്യേക സർവീസ് ആയിരിക്കുമെന്ന് ഉറപ്പായിരിക്കുകയാണ്. ടിക്കറ്റ് നിരക്ക് 1800 ദിർഹം അതായത് ഏകദേശം 37,240 രൂപ മുതലാണ് എന്നാണ് വെബ്സൈറ്റിൽ ലഭ്യമാകുന്നത്.
അതോടൊപ്പം തന്നെ നാട്ടിലേക്ക് അടിയന്തര ആവശ്യങ്ങൾക്കായി മടങ്ങേണ്ടവരും സന്ദർശക വിസയിൽ ഇവിടെ കുടുങ്ങിപ്പോയവർക്കും വേണ്ടിയാവും ആദ്യ സർവീസുകൾ എന്നാണ് സൂചന. എന്നാൽ ഏഴ് കിലോഗ്രാമിന്റെ ഹാൻഡ് ബാഗേജ് മാത്രമാണ് അനുവദിക്കുന്നത്. ഇതിലൂടെ മറ്റ് ലഗ്ഗേജ് കൊണ്ടുപോകാനാവില്ല. ഇന്ത്യക്ക് പുറമെ പാകിസ്താൻ, ബംഗ്ലാദേശ് ഉൾപ്പെടെ ഇന്ത്യൻ ഉപഭൂഖണ്ഡത്തിലെ വിവിധ രാജ്യങ്ങളിലേക്കും ഏപ്രിൽ 15 മുതൽ ഫ്ളൈ ദുബായ് യാത്ര ഷെഡ്യൂൾ ചെയ്തിട്ടുള്ളതായാണ് ലഭ്യമാകുന്ന വിവരം. ഒപ്പം എയർ ഇന്ത്യ എക്സ്പ്രസ്, സ്പൈസ് ജെറ്റ് ഉൾപ്പെടെയുള്ളവ ഏപ്രിൽ മുപ്പതോടെ സർവീസ് ആരംഭിക്കുമെന്നാണ് പ്രതീക്ഷിക്കുന്നത്.
https://www.facebook.com/Malayalivartha