അധോലോകംപോലും കോറോണയ്ക്ക് മുന്നിൽ കീഴടങ്ങി; കൊറോണക്കാലത്ത് ശത്രുതയ്ക്ക് അധോലോകത്തിന്റെ താത്കാലിക വിരാമം, തോക്കിനു പകരം ഭക്ഷണപ്പൊതിയേന്തി ഷാർപ് ഷൂട്ടർമാർ വൈറലാകുന്നു
ലോകത്തെയാകെ ഭീതിയിലാഴ്ത്തി നിരവധിപേരുടെ ജീവൻ കവർന്നെടുത്ത ഇത്തിരിക്കുഞ്ഞൻ വൈറസിനെ ഭയന്ന് അധോലോകം പോലും കീഴടങ്ങിയാൽ എന്ത് സംഭവിക്കും. ഇത് അതുക്കും മേലെയാണ്. തോക്കുപിടിച്ച് നിരവധിപേരുടെ ജീവൻ കവർന്നെടുത്ത കൈകൊണ്ട് ഭക്ഷണപ്പൊതികൾ വിതരണം ചെയ്യുന്ന അധോലോകം. ആ കാഴ്ച ലോകത്തിന് തന്നെ കാണാൻ കഴിഞ്ഞു എന്നത് അവിശ്വസനീയം തന്നെ.
അധോലോകപോരാട്ടങ്ങൾ പതിവായ കേപ്പ് ടൗണിലാണ് സംഭവം. ഹാർഡ് ലിവിങ്സ് ഗാങ്ങും 28'സ് ഗാങ്ങും തമ്മിലുള്ള പോരാട്ടം അവിടെ നിരവധി പേരുടെ ജീവനാണ് കവർന്നെടുത്തത്. എന്നാൽ കൊവിഡ് 19 പടർന്നു പിടിച്ചതോടെ സർക്കാർ നഗരത്തിൽ ലോക്ക് ഡൗൺ പ്രഖ്യാപിച്ചു. അങ്ങനെ അധോലോകത്തെ നേർവഴിക്ക് നയിക്കാൻ അവർക്കിടയിൽ പ്രവർത്തിക്കുന്ന ഒരാളായിരുന്നു പാസ്റ്റർ ആൻഡി സ്റ്റീൽ സ്മിത്ത്. ഏവരെയും ഞെട്ടിച്ചുകൊണ്ട് ലോക്ക് ഡൗൺ പുരോഗമിക്കെ സ്ഥലത്തെ പാസ്റ്റർ സ്മിത്തിന് രണ്ടു ഗ്യാങ് ലീഡർമാരിൽ നിന്നും ഫോൺ വന്നു.
എല്ലാവരുംലോക്ക്ഡൗണിലായപ്പോൾ പാസ്റ്ററിന് ഫോൺ വന്നു, അങ്ങേത്തലയ്ക്കൽ വളരെ ദയനീയമായ സ്വരം, " ആൻഡി.. ഞങ്ങൾ ഇന്നുവരെ നിങ്ങളോട് എന്തെങ്കിലും വേണമെന്ന് പറഞ്ഞു വന്നിട്ടില്ല, പക്ഷേ, ഞങ്ങൾ ഇവിടെ വളരെ പട്ടിണിയിലാണ്. " കേട്ടയുടൻ തന്നെ പാസ്റ്റർ സ്മിത്ത് അപ്പോൾ ചിന്തിച്ചത് ഇതായിരുന്നു. ഓർക്കുക എല്ലാത്തരത്തിലും സ്വാധീനവും പണവുമുള്ളവരാണ് ഈ അധോലോകസംഘാംഗങ്ങൾ. ഇത്തരത്തിൽ ഭക്ഷണ ശൃംഖലയുടെ ഏറ്റവും മുകളിലുള്ള അവർക്ക് ഭക്ഷണത്തിന് മുട്ട് വന്നിട്ടുണ്ടെങ്കിൽ, അങ്ങ് താഴെക്കിടയിലുള്ള സാധാരണക്കാരന് എന്തുമാത്രം പട്ടിണിയിൽ ആയിരിക്കും..?എന്നതാണ്.
തുടർന്ന് തെരുവിലേക്ക് ഇറങ്ങിച്ചെല്ലാൻ തീരുമാനിച്ച പാസ്റ്റർ, ഭക്ഷണത്തിനു വേണ്ട ഫണ്ട് ശേഖരിക്കുകയുണ്ടായി. അങ്ങനെ ഭക്ഷണം ഉണ്ടാക്കി. വിതരണം ചെയ്യാൻ വേണ്ടി സഹായം അഭ്യർത്ഥിച്ചപ്പോഴാണ്, തന്റെ ജീവിതത്തിലെ ഏറ്റവും വലിയ അത്ഭുതങ്ങളിൽ ഒന്ന് പാസ്റ്റർ കണ്ടത് തന്നെ. ഒരുപക്ഷെ നമ്മളും. പ്രദേശത്ത് തമ്മിൽ ആഴ്ചയിൽ രണ്ടു വട്ടമെങ്കിലും മല്ലുപിടിച്ചിരുന്ന, അങ്ങനെ പരസ്പരം വെടിവെച്ചു കൊല്ലാൻ പോലും മടിയില്ലാതെ നടന്നിരുന്ന അധോലോകത്തിലെ ഷാർപ്പ് ഷൂട്ടർമാർ എല്ലാവരും, ശത്രു മിത്ര ഭേദമില്ലാതെ നാട്ടിലെ ജനങ്ങൾക്ക് ഭക്ഷണം അവരുടെ വീട്ടുപടിക്കലെത്തിക്കാൻ വേണ്ടി തങ്ങളുടെ ശത്രുതയ്ക്ക് താൽക്കാലിക വിശ്രമം നൽകി ഒന്നിച്ചിരിക്കുന്നു.
ഇതെത്തുടർന്ന് അന്നുവരെ പരസ്പരം പോരിന് നടന്നിരുന്ന, തങ്ങളെ പലപ്പോഴും ഭീഷണിപ്പെടുത്തിയിരുന്നു അധോലോകത്തിന്റെ കയ്യാളുകൾ ഒരേ വാഹനത്തിൽ വന്നിറങ്ങി തങ്ങളുടെ വിശപ്പടക്കാനുള്ള ഭക്ഷണം വിതരണം ചെയ്യുന്ന കാഴ്ച കണ്ടപ്പോൾ പ്രദേശവാസികളും അമ്പരപ്പോടെയാണ് നോക്കിനിന്നത്. എന്നാലോ, ഇതൊന്നുംതന്നെ തന്റെ മനസ്സിൽ ഒരു ചലനവും ഉണ്ടാക്കുന്നില്ല എന്നാണ് കേപ്പ് ടൗൺ മേയറുടെ സേഫ്റ്റി ആൻഡ് സെക്യൂരിറ്റി കൌൺസിൽ ചെയർമാൻ ജെപി സ്മിത്ത് വെളിപ്പെടുത്തിയത്. എന്തെന്നാൽ ഇത്രയും കാലം തങ്ങളുടെ ഉരുക്കുമുഷ്ടികൾ കൊണ്ട് സമൂഹത്തെ ആകെ ഭീഷണിപ്പെടുത്തിയിരുന്ന, പരസ്പരം കൊന്നു തിന്നുകൊണ്ടിരുന്ന ക്രിമിനലുകൾ. നാട്ടിലൊരു പകർച്ചവ്യാധി വന്നപ്പോൾ അവർ എന്തോ നല്ല കാര്യം ചെയ്തു എന്നത്കൊണ്ട് പതിറ്റാണ്ടുകൾ നീണ്ടുനിന്ന അവരുടെ എല്ലാ അപരാധങ്ങളുടെ ഉത്തരവാദിത്തം ഇല്ലാതെയാക്കുന്നില്ലെന്ന് അദ്ദേഹം വെളിപ്പെടുത്തി.
എന്തോക്കെ ആയാലും ഈ കാഴ്ച അപ്രതീക്ഷിതം തന്നെയാണ് എന്നുതന്നെ പറയാം. നമ്മുടെ ലോകം ഒരു പടുകുഴിയിൽ വീഴുന്നതിനുമുന്നെ ഉണ്ടാകുന്ന ചില ഉയർത്തെഴുന്നേൽപ്പുകൾ അത് എന്തുതന്നെ ആയാലും കണ്ടില്ലെന്ന് നാം നടിക്കരുത്. ചിലരുടെ കൈത്താങ്ങ് നമ്മുടെ ലോകത്തിന് ഈ ഒരു ഘട്ടത്തിൽ ആവശ്യം തന്നെയാണ്.
https://www.facebook.com/Malayalivartha