കൊറോണ വൈറസ് രോഗം ബാധിച്ച് ലോകത്താകെ മരിച്ചവരുടെ എണ്ണം 95,000 കഴിഞ്ഞു....അമേരിക്കയില് ഇന്നലെ മാത്രം മരിച്ചത് 1900 പേര്, ഏറ്റവും കൂടുതല് മരണം രേഖപ്പെടുത്തിയതും അമേരിക്കയില്
കൊറോണ വൈറസ് രോഗം ബാധിച്ച് ലോകത്താകെ 95,693 പേര് മരിച്ചു. 1,603,163 പേര്ക്ക് രോഗം ബാധിക്കുകയും ചെയ്തു. അമേരിക്കയില് വ്യാഴാഴ്ച ഒറ്റദിവസം 1,900 പേരാണ് മരിച്ചത്. ലോകത്തിലെ ഏറ്റവും കൂടുതല് മരണം രേഖപ്പെടുത്തിയതും അമേരിക്കയിലാണ്. ഇതോടെ അമേരിക്കയില് മരിച്ചവരുടെ ആകെ എണ്ണം 16,691 ആയി. ഇന്നലെ മാത്രം 33,536 പേര്ക്കാണ് രോഗം സ്ഥിരീകരിച്ചത്. ആകെ 468,566 പേര്ക്ക് രോഗം പിടിപെട്ടു. ന്യൂയോര്ക്കിലാണ് ഏറ്റവും കൂടുതല് മരണം. വ്യാഴാഴ്ച 799 പേരാണ് മരിച്ചത്. പുതുതായി 10,333 പേര്ക്ക് രോഗം കണ്ടെത്തുകയും ചെയ്തു.
അമേരിക്ക കഴിഞ്ഞാല് ഫ്രാന്സിലാണ് ഏറ്റവും കൂടുതല് മരണം ഇന്നലെ ഉണ്ടായത്. ഫ്രാന്സില് 1,341 പേരാണ് മരിച്ചത്. ഇതുവരെ 12,210 പേര് ആകെ മരണപ്പെട്ടു. 4,799 പേര്ക്ക് പുതുതായി രോഗം സ്ഥിരീകരിക്കുകയും ചെയ്തു. ഇതോടെ രാജ്യത്ത് രോഗം ബാധിച്ചവരുടെ എണ്ണം 117,749 ആയി ഉയര്ന്നു. വൈറസ് പൊട്ടിപ്പുറപ്പെട്ട ചൈനയില് സ്ഥിതി ഏറെക്കുറെ ശാന്തമാണ്. ഇന്നലെ രണ്ടു പേര് മരിച്ചു. പുതുതായി 63 പേര്ക്ക് രോഗം സ്ഥിരീകരിക്കുകയും ചെയ്തു.
https://www.facebook.com/Malayalivartha