കൊവിഡ് തടയുന്നതില് ലോകാരോഗ്യസംഘടന പരാജയമാണെന്ന അമേരിക്കന് പ്രസിഡന്റ് ഡൊണാള്ഡ് ട്രംപിന്റെ വിമര്ശനത്തിന് മറുപടിയുമായി ലോകാരോഗ്യ സംഘടന വീണ്ടും രംഗത്ത്
വീണ്ടും കൂട്ടയടി നടക്കുകയാണ്. പരിഹാരത്തിനായി നെട്ടോട്ടമോടുമ്പോള് തന്നെ വേണോ. ഈ തീക്കളി. ഏതായാലും ഇവിടെയും വില്ലന് ചൈന തന്നെ. ചൈനയ്ക്കായി രണ്ട് ചേരിയില് തമ്മിലടിക്കുകയാണ് അമേരിക്കയും ലോകാരോഗ്യ സംഘടനയും എന്ന് തോന്നും ഈ തമ്മില്തല്ല് കണ്ടാല്. ചൈനയുടെ വക്രബുദ്ധിയാണോ ഇതിനൊക്കെ പിന്നില്. എങ്കില് ചെവിക്ക് പിടിച്ച് പുറത്താക്കണം. ഒന്നും മറച്ചുവച്ചിട്ടില്ല, വൈറസ് റിപ്പോര്ട്ട് ചെയ്ത ദിവസം മുതല് അമേരിക്കയ്ക്ക് മുന്നറിയിപ്പ് നല്കിയിരുന്നു എന്ന് ട്രംപിനെ തള്ളി ലോകാരോഗ്യ സംഘടന വീണ്ടും വരികയാണ്. ചൈനയോടുള്ള അന്ധമായ സ്നേഹം
ലോകാരോഗ്യസംഘടനയ്ക്ക് തുടക്കം മുതല് ഉണ്ട് എന്ന പരിഭവം ട്രംപിനുണ്ട്. എന്നാല് ട്രംപിനെ കൊന്ന് കൊലവിളിക്കുകയാണ് ടെഡ്രോസ്.
കൊവിഡ് തടയുന്നതില് ലോകാരോഗ്യസംഘടന പരാജയമാണെന്ന അമേരിക്കന് പ്രസിഡന്റ് ഡൊണാള്ഡ് ട്രംപിന്റെ വിമര്ശനത്തിന് മറുപടിയുമായി ലോകാരോഗ്യ സംഘടന ഡയറക്ടര് ജനറല് ടെഡ്രോസ് അദനോം വീണ്ടും രംഗത്ത്.
അമേരിക്ക ഉന്നയിച്ച ആരോപണങ്ങളെല്ലാം തള്ളിയ അദ്ദേഹം കൊവിഡുമായി ബന്ധപ്പെട്ട വിവരങ്ങള് അമേരിക്കയില് നിന്നും മറച്ചുവച്ചിട്ടില്ലെന്നും വ്യക്തമാക്കി. വൈറസ് റിപ്പോര്ട്ട് ചെയ്ത് ആദ്യ ദിവസം മുതല് ലോകാരോഗ്യ സംഘടന അമേരിക്കയ്ക്കും മുന്നറിയിപ്പ് നല്കിയിരുന്നുവെന്നും അദ്ദേഹം പറഞ്ഞു. ഈ വൈറസ് അപകടകാരിയാണെന്നും എല്ലാവരും അതിനെതിരെ പോരാടണമെന്നും ആദ്യ ദിവസം മുതല് മുന്നറിയിപ്പ് നല്കിയിട്ടുണ്ട്. ലോകാരോഗ്യ സംഘടനയ്ക്ക് രഹസ്യങ്ങളില്ല. ആരെയും പ്രത്യേകമായി സഹായിക്കുന്നുമില്ലെന്ന് പറയുന്നുണ്ടെങ്കിലും വിടാന് ഭാവമില്ല ട്രംപിന്.
കാരണം ചൈനയുടെ ചീട്ട് കീറുന്നത് വരെ ആര് പറയുന്നതും അപ്പാടെ വിഴുങ്ങാന് ട്രംപു കൂട്ടരും തയ്യാറല്ല എന്നത് തന്നെ. വൈറസ് വ്യാപനത്തിന്റെ ആദ്യഘട്ടത്തില് ലോകാരോഗ്യസംഘടനയുടെ പ്രവര്ത്തനങ്ങളില് വീഴ്ച ഉണ്ടായെന്നും നടപടികള് ഫലപ്രദമായിരുന്നില്ലെന്നും മുന്നറിയിപ്പ് നല്കിയില്ലെന്നും ട്രംപ് നേരത്തെ ആരോപണമുന്നയിച്ചിരുന്നു.ലോകാരോഗ്യ സംഘടനയ്ക്ക് ഫണ്ട് നല്കുന്നത് നിറുത്തിവയ്ക്കാന് തീരുമാനിച്ചെന്നും ട്രംപ് പറഞ്ഞിരുന്നു. ചൈനയോട് ലോകാരോഗ്യ സംഘടയ്ക്ക് അടുപ്പം കൂടുതലാണെന്നും ട്രംപ് പറഞ്ഞിരുന്നു. എറ്റവുംകൂടുതല് ഫണ്ട് നല്കുന്നത് അമേരിക്കയാണ്. ഏതായാലും ചൈനയുടെ പൊട്ടന്കളി അവസാനിപ്പിച്ചേ അടങ്ങൂ എന്നു തന്നെയാണ് അമേരിക്കന് നിലപാട്.
"
https://www.facebook.com/Malayalivartha